Qeveria në rajonin e Katalonjës në Spanjë, ka izoluar 210 mijë banorë, pas rritjes së fundit të rasteve nga coronavirusi.

Sipas mediave të huaja, përcjell Telegrafi, presidenti i Katalonjës, Quim Torra, tha se askujt nuk do t’i lejohet hyrja apo dalja nga rajoni i Segrias, një zonë bujqësore e cila gjendet në perëndim të Barcelonës.

Autoritetet thonë se implementimi i masave do të fillojë të shtunën pasdite, ndërsa vendimi erdhi mes frikës së rasteve të reja nga coronavirusi.

Katalonja është njëherit edhe një nga rajonet më të goditura spanjolle nga sëmundja e COVID-19.

Ndryshe, numri i përgjithshëm i rasteve në Spanjë u rrit në 250 mijë, ndërsa raportohet se 28 mijë persona kanë ndërruar jetë. /Telegrafi/