Franca raporton rritjen më të madhe të vdekjeve në 24 orë nga coronavirusi, bëhet vendi i katërt që tejkalon numrin 3000

Autoritetet shëndetësore franceze raportuan të hënën 418 vdekje të reja nga coronavirusi.

Ky numër, sipas medieve të huaja, përcjell Telegrafi, e çon numrin e përgjithshëm të viktimave në 3,024 ose një rritje prej 16%.

Kështu, sipas France24, Franca u bë vendi i katërt që kaloi pragun e 3,000 vdekjeve pas Kinës, Italisë dhe Spanjës.

Të dhënat ditore të qeverisë tregojnë vetëm vetëm për ata që vdesin në spital, por autoritetet thonë se shumë shpejt do të jenë në gjendje të përpilojnë të dhëna për vdekjet në shtëpitë e pensionistëve, gjë që ka të ngjarë të rezultojë në një rritje të madhe të vdekjeve të regjistruara.

Drejtori i agjencisë shëndetësore franceze Jerome Salomon tha në një konferencë për shtyp se numri i rasteve ishte rritur në 44.550, një rritje prej 11% në 24 orë.

Salomon tha që 5,107 njerëz ishin në një gjendje të rëndë që kishin nevojë për mbështetje për jetën, deri në 10% krahasuar me të hënën, një rritje që shpejtoi përsëri pasi u ngadalësua për dy ditë. /Telegrafi/