Sipas statistikave, Shkodran Mustafi është mbrojtësi më i mirë i dekadës te Arsenali.
WhoScored ka zbuluar statistikat e përgjithshme të The Gunners që nga viti 2010, derisa mbrojtësi shqiptar është i padiskutueshëm në formacion.
Të gjithë lojtarët që kanë luajtur te skuadra londineze në këtë dekadë u janë mbledhur statistikat dhe aty ka dalë një mesatare.
Mustafi është vlerësuar me notën më të lartë nga mbrojtësit e Arsenalit ku ka marrë 7.22 nga të gjitha paraqitjet e tij.
Atij i janë bashkuar tre mbrojtësit e tjerë si, Bacary Sagna (7.08), Laurent Koscielny (7.21) dhe Thomas Vermaelen (7.08).
Portieri më i mirë te Topçinjtë është Petr Cech që është vlerësuar me 6.91, derisa në mesfushë gjenden treshja, Santi Cazorla (7.51), Alex Song (7.38) dhe Mesut Ozil (7.26).
Sulmi përbëhet nga: Samir Nasri (7.32), Robin van Persie (7.71) dhe Alexis Sanchez (7.73). /Telegrafi/
