LAJMI I FUNDIT:

Firma japoneze pretendon se ka shpikur llambën me rreze ultravjollce që vret coronavirusin

Firma japoneze pretendon se ka shpikur llambën me rreze ultravjollce që vret coronavirusin

Prodhuesi kryesor i llambave Ushio Inc. ka thënë se ka shpikur së fundmi një llambë me rreze ultravjollce që mund të vrasë coronavirus pa dëmtuar shëndetin e njeriut – e para e këtij lloji në botë.

Sipas Japantimes, përcjell Telegrafi, llamba UV Care 222, të cilën Ushio e zhvilloi së bashku me Universitetin Columbia, pritet të përdoret për dezinfektim në hapësira ku njerëzit vazhdojnë të hyjnë dhe të dalin dhe rreziku i kontraktimit të virusit vdekjeprurës është i lartë, të tilla si në autobusë, trena, ashensorë dhe në zyra, tha kompania.

Sipas këtij mediumi, llambat UV janë përdorur gjerësisht si një mjet efektiv i sterilizimit, veçanërisht në industrinë mjekësore dhe të përpunimit të ushqimit.

Por rrezet UV konvencionale nuk mund të përdoren në hapësira ku ka njerëz, pasi ato shkaktojnë kancer të lëkurës dhe probleme me sytë.

Llamba e re e Ushio, megjithatë, lëshon rrezet UV me një gjatësi vale 222 nanometra, në krahasim me gjatësinë e valës konvencionale 254-nanometër, duke i bërë ato vdekjeprurëse për mikrobet, por beninje për njerëzit.

Në këtë gjatësi vale të veçantë, tha firma, rrezet UV nuk mund të “thyejnë” sipërfaqen e lëkurës dhe as sytë për të sjellë defekte gjenetike që shkaktojnë kancer dhe dëmtime të tjera.

Kur vendoset në tavan, brenda gjashtë deri në shtatë minuta Care 222 “çaktivizon” 99 për qind të viruseve dhe baktereve në ajër dhe deri në një zonë prej 3 metrash katrorë në sipërfaqen e objekteve rreth 2.5 metra larg llambës.

Një studim i fundit i palës së tretë nga Universiteti Hiroshima konfirmoi se rrezet UV 222 nanometër janë efektive në vrasjen e coronavirusit të ri, tha Ushio.

Care 222 është rreth 1.2 kilogramë e rëndë dhe sa madhësia e një libri me kapak të fortë dhe ka një çmim prej 300,000 (rreth 2800 dollarë).

Kompania tha se pranon porosi nga institucionet mjekësore për momentin por do t’u shërbejë klientëve të tjerë sapo prodhimi të rritet në përputhje me kërkesat. /Telegrafi/

Në trend Teknologji

Më shumë
Google prezanton funksionin e ri që ju ndihmon me blerjet online

Google prezanton funksionin e ri që ju ndihmon me blerjet online

Teknologji
Miliarda përdorues të WhatsApp do të fitojnë përditësime me Inteligjencë Artificiale

Miliarda përdorues të WhatsApp do të fitojnë përditësime me Inteligjencë Artificiale

Teknologji
Kur funksionet e Galaxy AI do të jenë të disponueshme në telefonat më të vjetër të Samsungut

Kur funksionet e Galaxy AI do të jenë të disponueshme në telefonat më të vjetër të Samsungut

Teknologji
Meta dhe Google akuzohen për kufizimin e shpërndarjes së informacionit për shëndetin riprodhues

Meta dhe Google akuzohen për kufizimin e shpërndarjes së informacionit për shëndetin riprodhues

Teknologji
WhatsApp po merr një veçori të re, a do ta përdorni?

WhatsApp po merr një veçori të re, a do ta përdorni?

Teknologji
YouTube po teston një veçori që ju lejon të kaloni më shpejt te pjesët interesante të një videoje

YouTube po teston një veçori që ju lejon të kaloni më shpejt te pjesët interesante të një videoje

Teknologji
Kalo në kategori