Presidenti turk, Recep Tayyip Erdogan, ka përshëndetur njerëzit e mbledhur në Stamboll, kundër grushtit të dështuar ushtarak.
Erdogan gjatë fjalimit të tij foli edhe për dënimin me vdekje, ku tha se Parlamenti turk është ai që do të vendosë nëse do të hyjë në fuqi, raporton BBC.
“Deklaroj paraprakisht se unë do të miratoj vendimin e marrë nga Parlamenti”, ka thënë Erdogan, transmeton KosovaPress.
Presidenti turk foli sërish për lëvizjen e klerikut turk me bazë në SHBA, Fetullah Gulen, duke e akuzuar atë se ka qenë orkestruesi i përpjekjes të grushtit të shtetit.
“Sigurisht se na duhet ti zbulojmë të gjithë anëtarët e kësaj organizate, dhe t’i zhdukim brenda kuadrit ligjor, por nëse ne mjaftohemi vetëm me kaq, atëherë ne si popull dhe komb e krijojmë përshtypjen se kemi mbrojte të dobët ndaj viruseve të tilla të ngjashme”, është shprehur Erdogan.