Ka kohë që Enca Haxhia e ka paralajmëruar këngën e saj të re që pritet ta sjellë me videoklip.
Kënga mban titullin “Dua”, ndërsa ishte raportuar se do të vinte këdo ditë.
Enca e ka publikuar një fotografi në Instagram, në të cilën shfaqet duke kënduar, ndërsa ka nxitur një sfidë me fansat e saj.
“Do ta lansoj ‘Dua’ kur kjo fotografi t’i arrijë 100 mijë pëlqime”, ka shkruar këngëtarja në përshkrim.
Pritet të shihet se a do ta mbajë premtimin, duke qenë se shumë shpejt pritet që fotografia t’i kalojë 100 mijë pëlqime.
“Ciao” është një prej këngëve të fundit që Enca e ka publikuar të shoqëruar me videoklip.
Videoja muzikore e kësaj kënge u lansua në muajin korrik dhe deri më tani është shikuar mbi 15 milionë herë. /Telegrafi/
