Ekspertët e shëndetit thonë se nuk ka asnjë provë që coronavirusi mund të transmetohet përmes ushqimit.
Kështu së paku thuhet në një shkrim të publikuar nga CNN, i cili është publikuar pas raportimeve këtë javë që autoritetet kineze thanë se një mostër sipërfaqeje nga një grup i krahëve të pulës të ngrirë, të importuara nga Brazili, kanë dalë pozitivë në testin për coronavirus.
Por, siç thuhet në shkrimin e CNN, përcjell Telegrafi, nuk ka vend për frikë.
Po, virusi u zbulua në produktin ushqimor në qytetin kinez Shenzhen, sipas një deklarate të qeverisë komunale dhe zyrtarët nuk e emëruan markën.
Por rezultatet e provës për njerëzit që mund të kenë pasur kontakt me krahët e pulës deri më tani janë rikthyer negative, thuhet në deklaratë, dhe gjurmimi është duke u zhvilluar për produkte nga e njëjta markë që tashmë janë shitur.
Ndërkohë, një ekspert tha që testet e krahëve të pulës mund të kenë zbuluar materiale gjenetike nga coronavirusi i vdekur, i cili mund të shkaktojë rezultate pozitive false.
Në fund të fundit, shkruan më tej CNN: Mjekët dhe ekspertët e shëndetit kanë thënë vazhdimisht se coronavirusi nuk ka gjasa të transmetohet nga ushqimi.
Dr. Ian Williams, shefi i një dege të Qendrave Amerikane për Kontrollin dhe Parandalimin e Sëmundjeve, i cili heton sëmundjet e “lindura” nga ushqimi dhe uji, tha më parë se nuk kishte asnjë provë që COVID-19 është “i dalë nga ushqimi ose nga shërbimi ushqimor”.
“Kjo (sëmundje) me të vërtetë është e frymëmarrjes, person në person”, tha Williams. “Në këtë pikë nuk ka asnjë provë me të vërtetë që na drejton drejt shërbimit të ushqimit (ose) ushqimit, si mënyra që e përcjellin epideminë”.
COVID-19 është përhapur kryesisht përmes pikave të frymëmarrjes kur një person i infektuar kollitet, teshtin ose flet kur ndodhen brenda dy metrave me një person tjetër, sipas CDC.
Kështu që mënyrat më të mira për të parandaluar përhapjen është duke mbajtur distancën, duke veshur maskë, duke larë duart dhe duke mbuluar një kollë ose teshtitje.
Siç shkruan më tej CNN, përcjell Telegrafi, çështja e Williams u ritheksua më vonë së fundmi nga Administrata e Ushqimit dhe Barnave e SHBA-së dhe Departamenti i Bujqësisë i SHBA-së, i cili tha në një deklaratë të përbashkët në qershor se nuk ka “asnjë provë” që njerëzit mund të kontraktojnë virusin nga paketimi i ushqimit ose ushqimi.
Dhe së paku tani për tani, sipas CDC, është e mundur që ju të mund të prekeni nga COVID-19 duke prekur një sipërfaqe të kontaminuar, përfshirë paketimin e ushqimit, dhe pastaj të prekni fytyrën tuaj.
Andaj, ju mund të zvogëloni rrezikun duke larë duart tuaja me sapun dhe ujë për të paktën 20 sekonda pas trajtimit të paketimit të ushqimit.
Kështu që, nuk ka gjasë që virusi të “vazhdojë” pas transportit, thotë OBSH dhe ekspertët ndërkombëtarë gjithashtu duket se janë dakord.
“Njerëzit nuk duhet të kenë frikë nga paketimi i ushqimit ose ushqimi ose nga përpunimi ose dërgimi i ushqimit”, tha të enjten Dr. Michael Ryan, drejtori ekzekutiv i Programit të Emergjencave Shëndetësore të Organizatës Botërore të Shëndetit.
“Nuk ka asnjë provë që ushqimi ose zinxhiri ushqimor po merr pjesë në transmetimin e këtij virusi, dhe njerëzit duhet të ndjehen të qetë dhe të ndjehen të sigurt”.
Gjithashtu OBSH tha më parë se është “shumë e pamundur që njerëzit të kontraktojnë COVID-19 nga paketimi i ushqimit ose ushqimi”, duke përsëritur se COVID-19 është një sëmundje e frymëmarrjes, e cila kryesisht përhapet nga njeriu në njeri.
Për më tepër, nuk ka të ngjarë që coronavirusi të transmetohet përmes mallrave të prodhuar diku tjetër, sipas OBSH-së.
“Edhe pse coronavirusi i ri mund të qëndrojë në sipërfaqe për disa orë ose deri në disa ditë (në varësi të llojit të sipërfaqes), nuk ka shumë të ngjarë që virusi të vazhdojë të qëndrojë në një sipërfaqe pasi të zhvendoset, bartet dhe ekspozohet ndaj kushteve dhe temperaturave të ndryshme”, citohet të ketë thënë OBSH.
Dhe nëse vazhdoni të jeni të shqetësuar, ka edhe një argument tjetër për këtë.
Edhe nëse coronavirusi do të “futej” në ushqimin tuaj, acidi i stomakut tuaj do ta vriste atë, sipas doktor Angela Rasmussen, një virologe në Universitetin e Columbia.
“Kur hani ndonjë lloj ushqimi, qoftë i nxehtë apo i ftohtë, ai ushqim do të zbresë drejt në barkun tuaj, ku ka një mjedis me aciditet të lartë, që do të çaktivizojë virusin”, tha ajo.
Në rastin e krahëve të pulave në Shenzhen, David Hui Shu-cheong, një ekspert i ilaçeve të frymëmarrjes në Universitetin e Hong Kong-ut, tha që ato ndoshta ishin të kontaminuara gjatë paketimit. Por kjo nuk do të thotë se ata janë infektivë.
Testet mund të merren me ARN – materialin gjenetik – të coronavirusit të vdekur, tha ai, i cili dihet se shkakton rezultate false në pacientët që janë rikuperuar nga COVID-19. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Çfarë është RM-70 Vampire – “kërcënimi i madh” që po ndjek Belgorodin e Rusisë?
Disa të lënduar pasi një zjarr i madh shpërtheu në “një nga vendet më ekskluzive për dasma dhe ngjarje” në Meksikë
Polonia dhe Gjermania vijnë me “koalicionin e automjeteve të blinduara” për Ukrainën – së shpejti edhe një Forcë e Reagimit të Shpejtë në Evropë
'I trajtuar si qen': Burri nga Nepali rrëfen tmerrin që ka përjetuar, pasi u rekrutua për të luftuar për rusët në Ukrainë, si mijëra të tjerë
Po dërgonte porosinë, shpërndarësi kinez i ushqimit nuk e sheh që nuk kishte ashensor – bie në gropë dhe lëndohet rëndë
Aeroplani supersonik që ishte më i shpejtë se Concorde
Momentet para tmerrit kur një burrë gjeti vdekjen pasi ra nga “balona me ajër të nxehtë” në Melburn të Australisë
Kievi pretendon se ushtrisë ruse i kanë shkatërruar mbi 500 autoblinda brenda çdo muaji, që nga fillimi i luftës
Beteja për Berdychi, ukrainasit me Bradley-t amerikanë shkatërrojnë autoblindat dhe tanket ruse në afërsi të Avdiivka
Zyrtari amerikan vizitë në Kosovë, “shmang” Kurtin – takohet vetëm me presidenten Osmani
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Zbulo qysh mundesh me i vesh gërshetat me ZBRITJE
Më të lexuarat
Konfirmojnë lidhjen e dashurisë - Erolld Belegu dhe Diola Dosti shfaqen më të lumtur se kurrë
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye
Aeroplani supersonik që ishte më i shpejtë se Concorde
Babai i Gentian Bejtjes: Nëse djali im ka vrarë e ka prerë, i jap dorën atij që e vrau!
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Barcelona i përgjigjet çmimit që Man Utd i ka vënë kartonit të Greenwood