Lista Serbe, edhe pse ka hequr dorë nga shpallja e njëanshme e Asociacionit të komunave me shumicë serbe, nuk ka ndryshuar qëndrim kur është në pyetje përfaqësimi në institucionet e Kosovës.
Ministrat e saj, janë në dorëheqje, por ata kryejnë aktivitetet e tyre, kurse nuk marrin pjesë në mbledhjet e Qeverisë së Kosovës. Përderisa deputetët e Listës kanë kaluar në opozitë.
Në Qeverinë e Kosovës thonë se pjesëmarrja e Listës Serbe në punën e institucioneve do të sqarohet shumë shpejt.
Igor Simiq, deputet nga radhët e Listës Serbe thotë se deputetët e Listës vazhdojnë të punojnë nga tabori opozitar, kurse ministrat janë në dorëheqje.
“Qëndrimi i Listës Serbe nuk ka ndryshuar që nga ai moment kur kemi marrë vendimin që ministrat të largohen nga qeveria, në kuptimin që ata të mos marrin pjesë në mbledhjet e qeverisë dhe të jenë vetëm në kapacitetet teknike, kurse deputetët të veprojnë si opozitar. Do të thotë, asgjë nuk ka ndryshuar në punën e Listës Serbe që nga momenti kur kemi marrë vendim për tërheqje”, tha Simiq, për Radion Evropa e Lirë.
Lista Serbe ka tre ministra, njëri prej tyre edhe në postin e zëvendëskryeministrit, mbanë disa poste të zëvendësministrave dhe ka 10 deputetë në Kuvend.
Ky subjekt politik vendosi të tërhiqet nga Qeveria e Kosovës në fund të marsit, pas arrestimit të drejtorit të Zyrës koordinuese për Kosovën në Qeverinë e Serbisë, Marko Gjuriq.
Gjuriq ishte burgosur dhe më pas dëbuar, ngase kishte hyrë në Mitrovicë për të realizuar vizitën, pa lejen e institucioneve të Kosovës.
Pas këtij zhvillimi, Lista Serbe kishte paralajmëruar shpalljen e njëanshme të Asociacionit, për datën 20 prill, nëse deri atëherë Qeveria e Kosovës nuk do të fillonte me procesin e formimit.
Ndërkohë, kryeministri i Kosovës, Ramush Haradinaj, pas një dakordimi paraprak edhe me presidentin Hashim Thaçi, vendosi të aktivizojë punën e Ekipit Drejtues për hartimin e statutit të Asociacionit. Ky Ekip ka një afat prej katër muajve që ta përfundojë punën, çka është konfirmuar edhe nga një komunikatë e lëshuar nga Bashkimi Evropian, si lehtësues në bisedimet ndërmjet Prishtinës dhe Beogradit. Të enjten, përfaqësuesit e Listës Serbe thanë se do të presin dhe respektojnë këtë afat, duke anuluar veprimet e njëanshme.
Pavarësisht vendimit të Listës Serbe, kryeministri Ramush Haradinaj, më 11 prill tha se nuk e pranon largimin e Listës nga qeveria dhe kishte kërkuar që të fillonte dialogun me këtë subjekt politik. Oferta e Haradinajt ishte pranuar në parim nga Lista Serbe, por dialogu nuk ka ndodhur ende.
Sipas Haradinajt, edhe pse Lista Serbe nuk është aktive në qeveri, ajo në shumë raste është përgjigjur duke kryer obligimet që i ka në përgjegjësi.
Shefi i kabinetit të kryeministrit të Kosovës, Avni Arifi ka thënë për Radion Evropa e Lirë se bisedimet për rolin aktiv të Listës Serbe në qeveri ende zhvillohen dhe se javët e ardhshme, sipas tij, kjo çështje do të sqarohet, përkatësisht zgjidhet.
Ndërkohë, ministrat e Listës Serbe janë parë në terren duke kryer detyrat e tyre, edhe pse janë në dorëheqje. Ministri i Bujqësisë, Pylltarisë dhe Zhvillimit Rural, Nenad Rikallo të enjten vizitoi prodhuesit bujqësor në rajonin e Junikut së bashku me ambasadorin amerikan dhe atë hungarez.
Kurse ministri për Komunitete dhe Kthim, Dallibor Jevtiq i vazhdon takimet dhe në faqen e internetit të ministrisë nuk figuron askund që ai është në largim apo dorëheqje.
Njohësi i zhvillimeve politike në Kosovë, Ranxhell Nojkiq, dikur deputet në Kuvendin e Kosovës, thotë se dorëheqjet e ministrave janë fiktive, ngase ata vazhdojnë t’i kryejnë detyrat e tyre dhe shfrytëzojnë përfitimet që u sjellin institucionet e Kosovës.
“Po të ishin ata në ulëset e opozitës, ata do të vepronin në këtë mënyrë: Do të thoshin, ju lutem po e vënë në votim votëbesimin e qeverisë dhe të shohim se a e ka qeveria shumicën apo jo”, thotë Nojkiq.
Një sjellje e tillë e Listës Serbe, sipas tij, është më shumë një përpjekje për t’u hedhur hi syve serbëve që jetojnë në Kosovë.
Promo
Reklamo këtuLufta Prigozhin - Putin
Më shumëPasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Presidenca i reagon ashpër Pacollit pasi e quajti provokim veprimin e Osmanit me të mbijetuarat e luftës gjatë seancës në KS të OKB-së
Shtatë ish-anëtarë të grupit “Çakallët” dënohen për krime ndaj shqiptarëve të Kosovës
"Serbia po frikëson dhe shantazhon qytetarët e Kosovës"- Qeveria shpalos detaje tjera nga biseda telefonike Kurti-Macron
Pas vizitës në selinë e NATO-s, gjenerali Ulutash: Vetëm zgjidhje politike mes Kosovës e Serbisë
Gazetari britanik tregon nëse mund të ketë luftë në Kosovë dhe Bosnjë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert