Deutsche Bank humb 2.6 miliardë euro

Banka më e madhe në Gjermani Deutsche Bank raportoi humbje përpara taksave në 2.6 miliardë euro për tremujorin e fundit të vitit të kaluar. Banka e ka paralajmëruar humbjet që në muajin dhjetor ku ka sqaruar se ato janë kosto që kanë të bëjnë me riformatimin ligjor dhe strukturën e re të krijuar për tu përshtatur në një ambient me ligje të reja për monitorimin e bankave dhe për nivelin e kapitalit.

Procesi i vetëpastrimit të ka nisur prej kohësh kreditori më i madh në gjermani synon ta largojë atë nga skandalet e të kaluarës dhe të ri-pozicionohet në tre me një kapital në cilësi më të mirë. Banka deklaroi se ka prioritet përmirësimin e kapitalit mbrojtës, tërheqja nga asetet me risk të lartë dhe çlirimi i kapitalit.

Sipas raportit të publikuar në orët e para të ditës së sotme, norma e kapitalit bazë Tier 1, të kësaj banke e përllogaritur sipas rregullave të reja të Bazel III qëndron në vlerën e 8 për qind në fund të vitit 2012. Ky është një përmirësim thelbësor në cilësinë e kapitalit krahasuar me nivelin 6 për qind të Tier 1 që regjistroi në fund të vitit 2011.

Pas raportit të situatës financiare për tremujorin e fundit analistët vlerësuan si pozitiv faktin që nuk do të ketë rritje të mëtejshme të kapitalit, pasi për tregun kjo nënkupton performancë të mirë të bankës. /Telegrafi/