Lev, është një ushtar ukrainas që po mbronte Mariupolin nga rusët, por pas rënies së këtij qyteti ukrasinas përfundoi në burgjet e Rusisë.

Gjatë luftimeve të ashpra gjente kohë t’i dërgonte mesazhe të dashurës së tij, në veçanti kur strehohej në fabrikën e çelikut Azovstal, transmeton Telegrafi.

Por pas rënies së Azovstalit dhe pushtimit nga ana e Rusisë, mbrojtësit ukrainas u dorëzuan me kërkesë të presidentit ukrainas Volodymyr Zelensky, i cili u bënte thirrje që ta shpëtojnë veten.

Megjithatë ai u zu rob dhe u dërgua në burgjet e Rusisë, ku qëndroi më shumë se katër muaj. E pas marrëveshjes së arritur për shkëmbimin e të burgosurve, u lirua.

Reklama

Ndërkaq derisa ishte në Azovstal i dërgonte mesazhe të dashurës, duke i premtuar se do t’i propozojë një ditë.

Reklama

E duket se kjo ditë ka ardhur, me të arritur sërish në Ukrainë u gjunjëzua para saj dhe i tregoi unazën.

Natyrisht ajo pa u menduar dy herë i tha po dhe e përqafoi menjëherë. /Telegrafi/