LAJMI I FUNDIT:

Çmimi i naftës me rënie

Çmimi i naftës me rënie

Nafta Brent e Londrës ka rënë lehtë në tregtinë e sotme, dhe tregtohet pranë 102 dollarë për fuçi. Rënia është ndikuar nga të dhënat negative mbi manifakturën në Kinë që ka shtuar akoma më shumë shqetësimet mbi ngadalësimin e ekonomisë të dytë më të madhe në botë.

Në mbyllje të sesionit aziatik, nafta Brent e Londrës ra lehtë me 5 cent në rreth 102 dollarë për fuçi, ndërsa kontratat e naftës Bruto amerikane për gushtin ranë me 7 cent në 96.6 dollarë për fuçi.

Përgjatë tremujorit të dytë të këtij viti, nafta Brent humbi më shumë se 7 për qind të vlerës, tremujori i dytë me radhë në rënie. Forcimi i dollarit gjithashtu ka ndikuar në rënien e vlerës së naftës dhe të lëndëve të para që tregtohen në monedhën amerikane. /Telegrafi/