0Shares

Çifti bashkëshortor nga Kanadaja është duke mbrojtur me ngulm vendimin e tyre, për të filmuar veten duke rrëzuar dhe lidhur 28-vjeçarin për të cilin besojnë se po mundohej të kryente marrëdhënie seksuale me bijën e tyre 13-vjeçe.

Videoja e publikuar më poshtë është filmuar në British Columbia, dhe shfaq pritën që i është organizuar nga burri dhe gruaja një personi të panjohur, të cilit ia lidhin duart prapa shpinës dhe e shtrijnë në dysheme dhe e filmojnë live në Facebook, transmeton Telegrafi.

Edhe pse vepruan duke menduar se do ta shpëtojnë vajzën nga ky “grabitqar”, nëna dhe njerku mund të akuzohen për sulm fizik dhe mbajtje kundër vullnetit të viktimës.

Në video shihet një mashkull nga Port Alberni duke qëndruar i shtrirë në dysheme, derisa nëna e vajzës e poshtëron duke e filmuar live në Facebook.

“Ai erdhi në shtëpinë time për t’u takuar me vajzën 13-vjeçare, duke menduar se do ta dërgojë në shtrat. Por, ne e kapëm dhe e lidhëm dhe po presim policinë që ta marrin”, dëgjohet gruaja duke thënë.

Videoja përfundon kur në shtëpi futen policia që e dërgojnë në spital burrin, i cili më pas është liruar në mungesë të provave.

Dhe tani çifti bashkëshortor rrezikojnë të dënohen për sulm fizik, dhe policia kanadeze ka njoftuar se ka filluar hetimet. /Telegrafi/

Të Ngjajshme
Shfaq Komentet (0)