Shigjetarët janë eksplorues të botës dhe të vetes. Ata preferojnë parimet mbi emocionet dhe shpesh pyesin veten kush janë
Janë të prirur të ndryshojnë punë, filozofi dhe besime, gjithmonë në kërkim të kuptimit të jetës. Për ta, bota është një park lojërash ku e panjohura është gjithmonë tërheqëse. Në thelb, ata duan të kuptojnë si funksionon bota.
Shigjetarët janë të papërmbajtur, të pandikuar nga lidhjet materiale dhe të etur për të përjetuar çdo gjë që sfidon kufijtë e mundësisë.
Ata janë aventurierë të patrembur dhe kritikë të mprehtë, të vetëdijshëm për dallimin mes dijes sipërfaqësore dhe asaj të brendshme. Për ta, njohuria e brendshme është më e thellë dhe më e fuqishme se ajo që vjen nga burimet e jashtme.
Dobësitë e Shigjetarit
Shigjetarët janë luftëtarë dhe poetë. Përkushtimi i tyre ndaj lirisë shpesh i bën të shpërqendruar, por kur vendosin një qëllim, janë të pamposhtur. Megjithatë, optimizmi i tyre i pakufishëm mund t’i bëjë të papërgatitur për realitetin.
Shigjetarët shpesh luftojnë për t’u përqendruar dhe kanë tendencën të braktisin projekte pa i përfunduar.
Çfarë i bën të veçantë Shigjetarët?
Shigjetarët duan të tejkalojnë kufijtë e realitetit, por shpesh harrojnë të shijojnë gëzimet e vogla të jetës. Standardet e tyre të larta mund t’i bëjnë të duken arrogantë. Kurioziteti i tyre i pafund shpesh i bën të shqetësuar dhe të paaftë për të qëndruar gjatë në një vend.
Ata nuk ndjekin sigurinë, por kërkojnë gjithmonë ndryshim dhe liri. Kjo shpesh i çon në ndjesinë se nuk përfundojnë asgjë plotësisht, pasi janë gjithmonë në kërkim të “zbulimit të radhës.”
Dashuria dhe marrëdhëniet për Shigjetarët
Shigjetarët bien në dashuri shpejt dhe nuk e shohin të nevojshme të jenë të kujdesshëm. Dashuria për ta është një emocion kalimtar, dhe ata e shijojnë pa ndjerë nevojën për ta poseduar. Megjithatë, kjo liri mund të sjellë mërzi, pasi ata janë gjithmonë në kërkim të aventurës së ardhshme.
Ata tërhiqen nga njerëz që i frymëzojnë të mendojnë më thellë dhe të shohin mundësi të reja. Inteligjenca dhe sensi i humorit janë armët më të forta për t’i tërhequr.
Shigjetarët dhe miqësia
Shigjetarët janë besnikë ndaj ideve të tyre: lirisë, dashurisë dhe vizionit të një bote më të mirë. Megjithatë, kjo besnikëri mund të mos jetë gjithmonë e drejtuar ndaj njerëzve, citon Anabel.
Ata nuk durojnë të mbahen në vend apo të vendosen në korniza. Kushdo që përpiqet t’i kontrollojë apo t’u japë këshilla, bëhet “armik.”
Si të tërhiqni një Shigjetar
• Provokojini intelektualisht duke kundërshtuar një libër që po lexojnë.
• Ndani një filozofi që i frymëzon të mendojnë për një botë më të gëzueshme.
• Sugjeroni një aventurë të papritur, si arratisja pas një nate së bashku.
Shigjetarët janë pasionantë, të pavarur dhe gjithmonë në kërkim të më të madhes – si në jetë, ashtu edhe në dashuri. /Telegrafi/