Calvin Harris ka zbuluar së fundmi sesi mjekët i shpëtuan jetën atij në vitin 2014 pasi zemra e tij u ndal.
DJ i famshëm botëror, 36 vjeç, reflektoi në vitin e tij ‘interesant’ në një postim në Twitter të martën mbrëma, duke u thënë fansave se zemra e tij u ndal dhe ai u ringjall në ER (Repartin e Emergjencës), shkruan DailyMail.
Në nëntor të vitit 2014, Calvin u detyrua të tërhiqej nga koncertet kryesore duke përfshirë një shfaqje në MTV European Music Awards pasi zbuloi se vuante nga ‘disa probleme të zemrës’.
Duke kaluar më shumë detaje rreth çështjeve të tij shëndetësore për herë të parë të martën në mbrëmje, Calvin u tha ndjekësve të tij në Twitter:
“Një vit interesant për mua viti 2014, filloi me mua duke trokitur veten time në numrin 1 në Mbretërinë e bashkuar dhe përfundoi me zemrën time duke u ringjallur në Emergjencë”, shkroi Calvin Harris.
Gjashtë vjet më parë, ylli arriti të ngjitet në vendin e parë në Mbretërinë e Bashkuar me hitin e tij “Summer” të publikuar në mars, ndërsa ai publikoi edhe abumin e tij të katërt në studio, “Motion”, i cili arriti të ngjitet i dyti në top-listën zyrtare të albumeve në Mbretërinë e Bashkuar dhe i pesti në top-listat në ShBA.
Po atë vit ai bashkëpunoi me emra të njohur si Ellie Goulding dhe Rita Ora, gjersa me këtë të fundit zhvilloi edhe një romancë e cila aso kohe u diskutua shumë në media.
Në nëntor, DJ më vonë konfirmoi se ai ishte diagnostikuar me aritmi, një problem me ritmin e zemrës që prek dy milionë njerëz në Mbretërinë e Bashkuar.
Kjo çoi në atë që ai të hiqte dorë nga alkooli, për të cilin ai tha se ka bërë një ‘ndryshim të dukshëm’ në jetën e tij. /Telegrafi/
