Mbretëria e Bashkuar ka raportuar 1,610 viktima nga coronavirusi të martën – shifra më e madhe e raportuar në një ditë të vetme që kur vendi u përball pandeminë.

Sipas BBC, përcjell Telegrafi, numri i përgjithshëm i viktimave u rrit në mbi 90 mijë.

Bazuar në shifrat e fundit të qeverisë, thuhet se më shumë se 4 milionë njerëz janë injektuar me dozat e para të vaksinës kundër COVID-19.

Në anën tjetër, vendi regjistroi 33 mijë raste të reja – derisa shifra më e lartë e rasteve ditore ishte regjistruar më 8 janar, me gjithsej 68 mijë të prekur.

Ky është numri më i ulët i rasteve ditore që nga 27 dhjetori – para fillimit të bllokimit të tretë në të gjithë Anglinë.

“Përderisa ka shenja të hershme që tregojnë se sakrificat tona po funksionojnë, ne duhet të vazhdojmë t’u përmbahemi në mënyrë rigoroze masave të vendosura”, tha Yvonne Doyle, drejtoreshë mjekësore në Shëndetin Publik të Anglisë. /Telegrafi/