Beniada Nishani flet për lidhjen e Luizit me Kiarën: Nuk është e lehtë të jesh çift brenda BBVA, unë nuk do ta bëja kurrë

Modelja e njohur shqiptare, Beniada Nishani u bë më e njohur për publikun kur mori pjesë në edicionin e parë të Big Brother VIP Albania.

Që kur përfundoi formati i BBVA 1, Beniada është bërë pjesë e programeve të ndryshme televizive si moderatorë.

Megjithatë, së fundmi modelja ishte e ftuar si mysafire në emocionin “Wake Up” ku foli rreth shumë gjërave nga jeta dhe puna e saj.

Por, Beniada u pyet edhe lidhjen e çiftit të Big Brother VIP Albania 2, Luiz Ejlli dhe Kiara Tito, e cila tha se ata nuk e kishin të lehtë që brenda të ishin bashkë dhe se ajo nuk do të mund ta bënte këtë kurrë.

“Në disa momente na kanë pëlqyer shumë, në disa e kam parë Kiarën pak më të ftohtë, po duhet të kuptojmë edhe sikletin që të rrish aty brenda si çift nuk është e kollajshme, unë për shembull nuk do isha lidhur asnjëherë me një banor aty brenda se ke sikletin që të shohin njerëzit, kur puthesh, je shumë e kritikuar, por mendoj që kjo lidhje do shikohet më mirë jashtë kur të dalë Luizi, Kiara është një karakter pak më i ftohtë. Duket më e ftohtë, por për mua është nga ato karakteret që sa të dalë Luizi do jetë flakë fare Kiara”, u shpreh Beniada.

Ndërkohë, modelja foli edhe për shoqërinë e saj me një prej banoreve më të reja të shtëpisë së famshme, Jori Delli dhe se e sheh rrugëtimin e saj.

“Ne jemi njohur në Milano me shoqëri të përbashkët, kemi pasur një kasting për një program sportiv dhe në këtë kasting na morën të dyja edhe mua edhe Jorin. Ishin shumë vajza nga Milano, pastaj unë nuk pata mundësi ta vazhdoja këtë program që quhet “Procesi Sportiv”, Jori e vazhdoi dhe i eci”, tha Beniada.

“E kam parë që shumë veta e krahasojnë me mua, Jori është si çun haram, edhe në Itali bën më shumë shoqëri me çuna, shikon sportin, dëgjon muzikë rep. Unë kam parë sa ka hyrë në shtëpi, ka dhënë një energji tjetër, është shumë vetvetja. I kam thënë përpara se të hynte Jori kujdes se ta shohësh nga jashtë dhe ta përjetosh brenda për mendimin tim janë dy gjëra të ndryshme dhe e përgatita për disa raste që mund të ndodhnin”, u shpreh modelja.

Ndryshe, theksojmë që sa i përket jetës private Beniada prej muajsh përflitet për një romancë me vëllanë e Arbër Hajdarit, Blertin. /Telegrafi/