LAJMI I FUNDIT:

Ambasadat në Kosovë mbështesin Osmanin për dërgimin e amandamentit në Dhomat e Specializuara

Ambasadat në Kosovë mbështesin Osmanin për dërgimin e amandamentit në Dhomat e Specializuara

Përmes një deklaratë të përbashkët, shefat e misioneve të Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës e kanë vlerësuar si pozitive dhe e kanë përgëzuar kryetaren e Kuvendit të Kosovës, Vjosa Osmani, për iniciativën e saj që ta procedojë amendamentin e presidentit, Hashim Thaçi lidhur me mandatin e Gjykatës Speciale tek kryetarja e Dhomave të Specializuara, Ekaterina Trendafilova.

Shtetet e QUINT-it, e kanë përgëzuar Osmanin për këtë iniciative, në deklaratën e tyre në të cilën i kanë bërë thirrje Kuvendit të Kosovës që të kundërshtojnë çdo përpjekje për të prishur ose zhvlerësuar misionin e Dhomave të Specializuara të Kosovës (DhSK) dhe të Zyrës së Prokurorisë së Dhomave të Specializuara (ZPDhS), si dhe që të sigurojnë që ato të kryejnë misionin e tyre në përputhje me Kushtetutën.

Shtetet e QUINT-it, thirrje Qeverisë dhe Kuvendit: Kundërshtojeni çdo përpjekje për të prishur misionin e Gjykatës Speciale
Lexo po ashtu Shtetet e QUINT-it, thirrje Qeverisë dhe Kuvendit: Kundërshtojeni çdo përpjekje për të prishur misionin e Gjykatës Speciale

“Në këtë vazhdë, e përgëzojmë Kryetaren e Kuvendit të Kosovës që e ka përcjellë propozimin e Presidentit për ndryshim te Dhoma e Specializuar e Gjykatës Kushtetuese në Hagë, si dhe Zyrën e Prokurorit Special të Republikës së Kosovës për respektimin e autoritetit të ZPDhS-së për të hetuar zbulimin e mundshëm të paligjshëm të dokumenteve dhe informatave të besueshme, njëkohësisht duke ofruar ndihmën e saj sipas nevojës”, thuhet në deklaratën e shteteve të QUINT-it.

Ndryshe, presidenti i Republikës së Kosovës, Hashim Thaçi i ka dërguar shkresë Kuvendit të Kosovës, ku propozon një amendament për ndryshimin e nenit 162, paragrafi 13.

Presidenti shkresë Kuvendit, propozon amendamentimin e një neni të Kushtetutës për mandatin e Gjykatës Speciale
Lexo po ashtu Presidenti shkresë Kuvendit, propozon amendamentimin e një neni të Kushtetutës për mandatin e Gjykatës Speciale

Thaçi i propozon Kuvendit të Kosovës këtë amendament “mandati i Dhomave të Specializuara dhe Zyrës së Prokurorit të Specializuar të zgjas deri atëherë kur njoftimi për përfundimin e mandatit të bëhet nga Këshilli i Bashkimit Evropian në konsultim me Qeverinë e Republikës së Kosovës”.

Ndërkaq, në shkresën dërguar Kuvendit të Kosovës thuhet që amendamenti të adresohet për kontroll Kushtetues para se të vihet për aprovim në Kuvend.

Kryeparlamentarja Osmani i shkruan Trendafilovas rreth Gjykatës Speciale
Lexo po ashtu Kryeparlamentarja Osmani i shkruan Trendafilovas rreth Gjykatës Speciale

Kryetarja e Kuvendit të Kosovës, Vjosa Osmani, e ka proceduar amendamentin e presidentit Hashim Thaçi lidhur me mandatin e Gjykatës Speciale tek kryetarja e Dhomave të Specializuara, Ekaterina Trendafilova.

Edhe ambasadori i Gjermanisë në Republikën e Kosovës, Jorn Rohde ka përshëndetur vendimin e Osmanit, duke theksuar se tani procedura e kërkuar ligjore është respektuar plotësisht.

“Lajm i mirë! Procedura e kërkuar ligjore në procesin e ndryshimit të amandamentit të Kushtetutës tash është respektuar plotësisht. Nderime për kryeparlamentaren Osmani”, shkruan ambasadori i Gjermanisë në Kosovë, Jorn Rohde. /Telegrafi/

Në trend Lajme

Më shumë
Ambasadori Martin Berishaj përfundon deklaratën në Speciale, deklarohet avokati Gashi

Ambasadori Martin Berishaj përfundon deklaratën në Speciale, deklarohet avokati Gashi

Lajme
Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Lajme
Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Lajme
BE: Zbatim i plotë i Marrëveshjes Bazë, pavarësisht vendimit në Këshillin e Evropës

BE: Zbatim i plotë i Marrëveshjes Bazë, pavarësisht vendimit në Këshillin e Evropës

Lajme
Euro bie sërish në tregun valutor në Shqipëri, arrin në nivelet më të ulëta vjetore

Euro bie sërish në tregun valutor në Shqipëri, arrin në nivelet më të ulëta vjetore

Lajme
E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

Drejtësi
Kalo në kategori