Specialistët në Klinikën Emergjente të Kosovës kanë njoftuar se tre të lënduarit në aksidentin që ka ndodhur në mes një kamioni dhe nëntë veturave, kanë marrë lëndime të lehta dhe janë jashtë rrezikut për jetë.
Ibrahim Maliqi, specializant i mjekësisë Emergjente, ka thënë se të lënduarit përafërsisht janë të lindur më 1979 dhe më i riu është i lindur më 1992.
“Nga aksidenti që ka ndodhur sot ku një kamion i kompanisë ‘Pastrimi’, kanë ardhur në emergjencë tre pacientë – kryesisht me lëndime të lehta trupore. Një prej tyre është me ekzaminime shtesë, do të thotë do i bëhet CT e kokës edhe toraksit. Të tjerët janë me lëndime jashtë rrezikut për jetë. Janë të përfshira dy prej veturave edhe një i kompanisë ‘Pastrimi’, punëtorë që ka qenë në kamionë – përafërsisht janë të moshës prej vitit 1979 dhe më i riu është i lindur më 1992”, tha ai.
Në qendrën emergjente ndodhet edhe menaxheri i kompanisë “Pastrimi”, i cili nuk ka dashur të flasë para kamerave.
I njëjti ka thënë për KosovaPress se punëtori i cili ndodhej në kamion është mirë dhe se nuk dëshiron të flasë më shumë rreth këtij rasti./kp/Telegrafi/
