Deputeti i Partisë Demokratike të Kosovës, Abelard Tahiri ka rezultuar pozitiv në testin për COVID-19.

Tahiri e bëri të ditur këtë përmes një postimi në Facebook, ku tha se aktualisht është mirë dhe nuk ka vështirësi të theksuara në përballim të virusit.

“Përkundër faktit se jam përpjekur të jem i kujdesshëm, duke mos anashkaluar rekomandimet, dua t’ju njoftoj se pas testimit për COVID-19, kam rezultuar pozitiv. Aktualisht, jam mirë dhe përveç simptomave të zakonshme, nuk kam ndonjë vështirësi të theksuar në përballimin e virusit. Gjatë kësaj periudhe të vetë-izolimit, do t’u përmbahem rekomandimeve të OBSH-së dhe mjekëve tanë. Ju ftoj edhe juve t’u përmbaheni rekomandimeve për ruajtjen dhe mbrojtjen e shëndetit tuaj dhe njerëzve të afërt në këtë periudhë aspak të lehtë në të cilën po kalojmë si vend”, shkruan Tahiri. /Telegrafi/