Zëdhënësi i AAK-së, Kushtrim Xhemaili, i ka reaguar deputetit të LVV-së, Dimal Basha pasi që ky i fundit akuzoi kreun e AAK-së, Ramush Haradinaj që së bashku me kreun e organizatës së veteranëve, Faton Klinakun, dhe nënkryetarin e Skenderajt, Sami Lushtaku po e krijojnë narrativën rdhe klimën për eliminim e Albin Kurtit.
Xhemaili i ka parashtruar disa pyetje publike deputetit të VV-së, Dimal Basha.
Përmes një statusi në Facebook, ai ka pyetur Bashën për ekstazitë LV.
“Të kujt janë ekstazitë LV, Serbisë apo të ndonjë shteti tjetër?”, është shprehur Xhemaili.
Ai më tej pyet Bashën edhe për grurin dhe vajin.
“A erdh gruri dhe vaji? A po vazhdon trafiku me narkotikët? Të kujt janë ekstazitë LV, Serbisë apo të ndonjë shteti tjetër? Si është puna në KEK dhe me ambasadorin Berisha, apo jeni nxënë duke e luftu gjyqësorin dhe kundërshtarët politikë? Llogaridhënies nuk mund t’i ikni!”, ka shkruar Xhemaili. /Telegrafi/
