Lajmi se është arritur marrëveshja për koalicion qeverisës në mes të PDK-së dhe AAK-së doli dje nga një agjenci turke e lajmeve, e cila citonte liderin e AAK-së, Ramush Haradinaj të ketë thënë se është arritur marrëveshja për koalicion qeverisës me PDK-në. Këtë lajm e ka konfirmuar edhe zëdhënësi i AAK-së Ernest Luma, por një gjë të tillë e ka mohuar Adem Grabovci, shef i grupit parlamentar të PDK-së .
Zëdhënësi i AAK-së, Ernest Luma, i cili ka thënë se është arritur marrëveshja në parim dhe në fillim të vitit të ardhshëm, Ramush Haradinaj do ta marrë timonin e qeverisjes në vend.
“Finalizimi i kësaj marrëveshjeje, i këtyre bisedimeve që nuk janë as ndonjë draft, por janë vetëm iniciativë deri më tash, do të ndodh në fillim të vitit të ardhshëm, pa precizuar data apo periudhë të caktuar. Pra fillimi i vitit 2013 Kosovën do ta gjejë me bashkëqeverisjen AAK-PDK”, ka thënë Luma për Kosovapress.
Por ndryshe mendon njëri nga drejtuesit e PDK-së, Adem Grabovci, duke thënë se në strukturat e partisë nuk është diskutuar për këtë çështje në parti, edhe pse ka pasur biseda me AAK-në për fuqizim të koalicionit.
Ai ka thënë se PDK-ja është në procesin e brendshëm zgjedhor dhe derisa të dalin strukturat e reja drejtuese të partisë, nuk mund të ketë vendim në këtë drejtim, pasi sipas tij, strukturat e reja pastaj do të marrin vendime.
“Absolutisht ende nuk është diskutuar në strukturat, në organet e partisë, sepse siç e dini ne jemi në procesin zgjedhor në zgjedhjet e brendshme të partisë dhe jemi në përfundim të fazës së parë, pastaj kemi kuvendin e partisë në nivel të vendit, i cili është organi më i lartë vendimmarrës nga i cili do të dalin strukturat e reja drejtuese të partisë dhe ato pastaj kanë të drejtën të marrin vendime”, ka thënë Grabovci.
Por, Luma i AAK-së,ka thënë se Grabovci mund edhe të mos jetë i informuar për këtë çështje, apo mund të ketë edhe preferencat e tij personale, por ka shtuar se kjo marrëveshje është arritur në nivel të lartë në mes të të dy zotëve të shtëpive, të PDK-së dhe AAK-së.
“Në nivelet më të larta të të dy subjekteve, pra po flasim për liderë dhe për ata që janë zot shtëpie në njërën apo partinë tjetër, në parim është arritur kjo marrëveshje. Për ndryshe, zyrtarë të caktuar të PDK-së mund të kenë simpatitë e tyre, mund të kenë qëndrimet e tyre personale, por ajo që thotë dhe e arsyeton lideri i kësaj partie politike, pra zotëri Thaçi, është krejt diçka tjetër nga ajo që deklarohet nga zyrtarët e tjerë të PDK-së, dhe vetë vullneti i Hashim Thaçit është që Haradinaj të jetë Kryeministër në periudhën në vijim. Pra është përcaktimi i tij, është edhe vullneti i tij si zgjidhja më e mirë për Kosovën dhe si i vetmi lider që mund të përballet me sfidat”, ka thënë Luma.
Ai ka thënë se oferta e AAK-së vazhdon të jetë ‘me Ramushin Kryeministër’, dhe jo vetëm me PDK-në në këtë rast, por edhe në partneritet me partitë e tjera politike. Ai ka shtuar se sa i përket koalicioneve politike, AAK-ja e ka vlerësuar si variantin më të mirë kombinimin AAK-PDK në qeverisje.
Luma ka shprehur bindjen e tij se AAK-ja do të jetë në gjendje që të ofrojë një qeverisje jashtëzakonisht të mirë për qytetarët e vendit.
Në këtë drejtim Grabovci ka bërë me dije se koalicioni dhe institucionet e vendit janë duke funksionuar si duhet dhe pa probleme, duke shtuar se bisedat me AAK-në kanë qenë për mundësinë e një koalicioni më të gjerë, kurse për koalicion të ri, ai ka thënë se nuk është diskutuar asnjëherë. /Telegrafi/
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Zbulohet shifra që u pagua Alma Kaçi për të kryer marrëdhënie seksuale me Safet Gjicin: Ia morën videon me forcë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert