Komisioni Evropian të hënën i ka rekomanduar vendeve anëtare të BE-së që të fillojë negociatat me Kosovën për Marrëveshjen e Stabilizim-Asocimit (MSA). Njohësit e integrimeve evropiane vlerësojnë për Telegrafin se rekomandimi nga Komisioni Evropian është hap pozitiv për Kosovën në rrugën e integrimeve evropiane.
Ministrja e Integrimeve evropiane, Vlora Çitaku ka thënë se që ky hapi i parë në këtë udhëtim të bukur. “Faleminderit”, kishte shkruar ajo në Twitter.
Njohësit e integrimeve evropiane vlerësojnë për Telegrafin se hapja e negociatave për MSA-në, për Kosovën është një hap normal, duke marrë parasysh faktin që Kosova gjendet në fazat e para të procesit të integrimeve evropiane, të filluar para shumë viteve.
Besfort Rrecaj tha se hapja e negociatave për MSA-në, për Kosovën ka qenë e lidhur pikë së pari me kriteret afatshkurtra dhe konkluzionet e dhjetorit të vitit të kaluar. Sipas tij, referencë për hapjen e negociatave mbi MSA-në ka qenë edhe konstruktiviteti i palës kosovare në bisedimet mes Prishtinës dhe Beogradit.
Rrecaj tha se Qeveria e Kosovës i ka përmbushur kriteret afatshkurtra teknike, me të cilat ka qenë e obliguar.
“Kemi pritur që Komisioni gjatë muajit prill të mblidhet për të diskutuar dhe të marrë rekomandimin që të fillojë negociatat me Kosovën për nënshkrimin e MSA-së”, tha ai, duke shtuar se hapja e negociatave është hapi i parë dhe shumë pozitiv për Kosovën”.
Ai thekson se hapi dytë është mbledhja e Këshilli Evropian, në qershor ose në fillim të korrikut, ku pritet që Komisioni Evropian ta marrë mandatin për fillimin e negociatave.
“MSA-ja është faza e parë kontraktuale, formale dhe juridike drejt anëtarësimit të plotë në BE”, tha Rrecaj.
Ndërsa, profesori Gazmend Qorraj, vlerëson se rekomandimi për fillimin e negociatave për MSA-në, për Kosovën ndërlidhet me marrëveshjen mes Prishtinës dhe Beogradit.
“Patjetër që rekomandimi për fillimin e negociatave për MSA-në ndërlidhet me marrëveshjen Kosovë–Serbi. Nëse e keni parasysh, raportet e Bashkimit Evropian për vendet e tjera u publikuan dy tre ditë më herët se sa raporti për Kosovën dhe Serbinë. Kjo tregon se raporti do të ishte ndryshe nëse marrëveshja nuk do të ishte arritur, d.m.th autoritetet evropiane kane pritur për rezultatet e bisedimeve dhe mandej e kane përshtatur raportin”, tha ai për Telegrafin.
Sipas tij, rekomandimi i Komisioni Evropian mbi MSA-në bazohet në vlerësimin politik dhe teknik të plotësimit të kritereve, duke shtuar, se kësaj radhe më shumë ka pasur ndikim vlerësimi politik, gjë që nuk është një praktikë e mirë.
“Përveç marrëdhënieve të mira, vendet e Ballkanit Perëndimor, respektivisht Kosova dhe Serbia duhet t’i plotësojnë aspektet teknike si administrata publike, luftimi i krimit dhe korrupsionit, rendi dhe ligji, krijimi i kapaciteteve tregtare dhe ekonomike si dhe çështje tjera të rëndësishme të cilat do ta rrisnin konvergjencën dhe aftësinë konkurruese të këtyre vendeve”, tha Qorraj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Peci: Me arrestimin e zv.drejtorit të Policisë të Kosovës, Serbia ka bërë një autogol të madh
Kurti takoi nënkryetaret e Mitrovicës së Veriut, Zveçanit dhe Leposaviqit, flasin për regjistrimin e popullsisë
Fillon fushata për zgjedhjet kuvendare, elektrizohet skena politike në Maqedoninë e Veriut
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Policia serbe e dërgon në paraburgim mërgimtarin nga Gjakova që e arrestoi në kufi
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maltretimi i kosovarëve në Serbi, eurodeputetja holandeze i reagon Vuçiqit
Haradinaj: Ne e ruanim Asociacionin për njohje të Serbisë ose për anëtarësim në NATO, Kurti e dha për Këshillin e Evropës
U arrestua nga Serbia, lirohet zëvendësdrejtori i Policisë së Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi