Edon Zhegrova do të ketë të drejtë të largohet nga Lille në fund të sezonit

Edon Zhegrova po përgatitet për t’u rikthyer në skuadrën e Lille pas një operacioni për një problem fizik në fund të janarit.  

Ai shfrytëzoi këtë kohë për të konfirmuar se nuk do ta zgjasë kontratën e tij, e cila skadon në 2026, duke e thënë këtë gjë në një intervistë për Radio Dukagjinin.  

Diskutimet për të ardhmen e tij me presidentin e klubit, Olivier Létang, nuk çuan në një marrëveshje, pavarësisht nga ofertat e bëra, duke përfshirë një rritje paga dhe një klauzolë largimi për verën e ardhshme. 

Zhegrova ka tërhequr interesin e disa klubeve të mëdha, veçanërisht Napoli, pasi PSG bleu Khvicha Kvaratskhelian.  

Megjithatë, Lille nuk pranoi të lëshojë lojtarin në janar, duke e konsideruar atë thelbësor për garat aktuale, përfshirë Ligën e Kampionëve. 

Lexo po ashtu Lille ia cakton çmimin kartonit të Edon Zhegrovës

Letang beson se Zhegrova mund të synojë më lart në të ardhmen, por klubi dëshiron të përfitojë nga talenti i tij për sa kohë që është akoma në skuadër. 

Operacioni i Zhegrovës u vonua për shkak të një diagnoze të gabuar, gjë që shtyu rikthimin e tij në fushë.  

Zhegrova është i vendosur të kthehet në formën më të mirë dhe të ndihmojë skuadrën në ndeshjet vendimtare të sezonit. /Telegrafi/