Gjesti deklarohet pas zarfit të zi: Pata një moment shumë të vështirë, po marr ngarkesë të madhe prej dy personave këtu brenda

Pas leximit të zarfit të zi në Big Brother VIP Albania, i cili konfirmoi shkeljen e rëndë të rregullave nga Gjesti, reperi nga Peja është deklaruar për herë të parë mbi veprimin e tij.

Ai pranoi se kishte kaluar një moment të vështirë emocional, duke përmendur se ndjehej i ngarkuar nga dy persona brenda shtëpisë, ndonëse nuk i përmendi me emër.

“E pata një moment të vështirë, jam duke marrë ngarkesë të madhe prej dy personave brenda që s’po ma kupton askush. E di që kam thyer rregulla, i kërkoj falje Vëllait të Madh. Edhe krejt publikut që ndoshta është shqetësuar për gjendjen time, por mirë jam. Pata një moment shumë të mirë”, u shpreh ai.

Zarfi i zi, i cili u lexua nga Kelly, konfirmoi se Gjesti kishte kaluar murin e oborrit dhe ishte rikthyer brenda nga Vëllai i Madh, i cili siguroi se ai nuk kishte pësuar asnjë lëndim.

Lexo po ashtu "Mu ngushtua për brenda zemra, desha të ikja", Gjesti diskuton me Eglin pas momentit kur dyshohet se tentoi të arratisej nga BBVA

Megjithatë, vendimi përfundimtar për fatin e tij në lojë do të bëhet publik gjatë spektaklit të së shtunës.

Shkelja e murit është konsideruar një prej rregullave më strikte të këtij formati, çka ka bërë që në të kaluarën (në edicionet e shteteve të tjera) disa banorë të përjashtoheshin menjëherë.

Lexo po ashtu Ilir Shaqiri ironizon keq me Gjestin pas tentativës për t’u larguar nga BBVA, e krahason me 'majmun kacavjerrës'

Megjithatë, deri më tani, produksioni ka zgjedhur të mos e largojë Gjestin automatikisht, duke lënë hapësirë për një vendim të mëvonshëm. /Telegrafi/