Tifozët e prisnin me ankth, por Van Dijk konfirmon bisedimet për kontratën e re me Liverpoolin

Kapiteni i Liverpoolit, Virgil van Dijk, ka zbuluar se po zhvillohen bisedime për një kontratë të re, pasi marrëveshja e tij aktuale po i afrohet skadimit në fund të sezonit. 

Mbrojtësi holandez 33-vjeçar deklaroi se bisedimet kanë nisur, por nuk e di se si do të përfundojnë.  

“Diskutimet janë duke vazhduar, por nuk e di se çfarë do të sjellë e ardhmja. Fokusi im i plotë është te Liverpooli, duke dashur të fitojë ndeshje”, deklaroi holandezi.  

Drejtori sportiv Richard Hughes po udhëheq negociatat me agjentin e Van Dijk.  

Forma e jashtëzakonshme e mbrojtësit ka qenë e rëndësishme në ngritjen e Liverpoolit në krye të Ligës Premier, me vetëm tre gola të pësuar në tetë ndeshje. 

Prioriteti i mbrojtësit mbetet suksesi i Liverpoolit, veçanërisht në ndeshjet e ardhshme, duke përfshirë ndeshjen e së mërkurës në Ligën e Kampionëve me RB Leipzigun dhe ndeshjen e së dielës kundër Arsenalit. 

“Kjo është një seri shumë e vështirë ndeshjesh… Unë jam duke e pritur. Ju dëshironi të luani në nivelin më të lartë kundër ekipeve më të mira dhe të performoni dhe të tregoni se çfarë mund të bëni. Unë dua të jem i suksesshëm. Unë dua të fitojmë trofe në çdo garë ku jemi”, ka thënë Van Dijk. /Telegrafi/