Jazbec: Koalicioni i ri do të ketë një shumicë shumë të madhe në Kuvend, është bazë e mirë për të përshpejtuar rrugën evropiane të RMV-së

Milan Jazbec thotë se qeveria e re do të ketë një shumicë të madhe në Kuvend, që sipas tij, do të jetë një bazë e mirë për të vazhduar rrugën eurointegruese të RMV-së.

“Në politikë parimisht çdo ndryshim është i mirë, sepse duhet të sjellë diçka të re. Nëse kjo ndodh, do ta shohim në fund të mandatit. Kjo është një gjë dhe tjetra, me sa kam ndjekur, ky koalicion i ri do të ketë një shumicë shumë të madhe në kuvend. Pra, është një bazë e mirë për të përshpejtuar rrugën evropiane. Ajo shumicë nuk ka qenë deri më tani, kështu që në këtë kuptim situata është më e mirë dhe do të jetë më e lehtë nëse ajo politikë vazhdon tani. Nuk e di, do ta shohim”, ka thënë në një intervistë për Sloboden Peçat, Milan Jazbec, ish-ambasador i Sllovenisë në vendin tonë.

Ai shtoi se e njeh edhe kryeministrin e ardhshëm të qeverisë edhe presidenten e vendit dhe se nuk shoh arsye pse të mos jetë kështu.

“Këtu, në parim, do të shtoja edhe një gjë, në politikë, me sa di unë politikën, është relativisht e lehtë të fitosh, politikanët nuk duhet të ma thonë këtë fakt, por është shumë më e vështirë të sundosh. Sepse qeverisje do të thotë të kesh një program shumë të qartë, një program të detajuar, një program të gjerë dhe shumë njerëz që punojnë në program”, theksoi Jazbec.

Ai beson se në çdo politikë është gjithmonë e vështirë dhe se në vend nuk do të jetë e lehtë për shkak të këtij ndryshimi të madh.

“Por kjo është e pritshme. Mendoj se këtë pritshmëri duhet ta shprehin edhe media edhe opinioni, sepse jam i sigurt se institucionet evropiane, veçanërisht BE-ja presin një përparim të mëtejshëm, pas anëtarësimit në NATO, kjo duhet të përshpejtohet”, përfundoi Jazbec./Telegrafi/