Influencuesi i njohur i IT-së përsëri kritikon një produkt të AI, kësaj radhe cak i sulmit ishte Rabbit R1

MKBHD kritikoi ashpër një produkt tjetër të AI, i cili u plasua në treg pa u përgatitur mjaftueshëm.

Marques Brownlee i njohur si MKBHD, është një influencues në fushën e IT-së dhe YouTuber, i cili muajin e kaluar ishte në qendër të vëmendjes kur në videon e tij kritikoi Humane AI Pin, transmeton Telegrafi.

Tani cak i kritikave dhe sulmit ishte një prodhues i ngjashëm i AI, i quajtur Rabbit R1. MKBHD këtë pajisje e karakterizoi si të “pakontrollueshme”.

Rabbit R1 është një shoqërues xhepi i AI që mund të përdoret si Alexa, Siri ose Google Assistant. Ndër veçoritë shtesë, pajisja ka mundësinë të porosisë nga DoorDash, të njohë imazhet dhe të kontrollojë Spotify.

Brownlee ishte i shpejtë për të gjetur gabime në Rabbit R1 dhe kritikoi aspekte të ndryshme, nga dizajni fizik, ndërfaqja e përdoruesit, paketimi i produktit, të cilit i mungon një mbështetëse, karikuesi apo edhe manuali i udhëzimit.

Sipas tij, zbatimi i modelit Large Action Model AI është një “ide e lezetshme”, por Rabbit R1 nuk është trajnuar mjaftueshëm mbi të dhënat për të zbatuar veçori që do të ishin kuptimplotë për përdoruesin.

NEW VIDEO – Rabbit R1: Barely Reviewablehttps://t.co/CqwXs5m1Ia

This is the pinnacle of a trend that's been annoying for years: Delivering barely finished products to win a "race" and then continuing to build them after charging full price. Games, phones, cars, now AI in a box pic.twitter.com/WutKQeo2mp

— Marques Brownlee (@MKBHD) April 30, 2024

“Një numër i madh i kompanive të inteligjencës artificiale e zhvillojnë gabimisht teknologjinë dhe anasjelltas. Ata ofrojnë një produkt kaq të papërfunduar, sa që është pothuajse plotësisht e pamundur ta rishikosh atë”, tha Brownlee.

Kompania Rabbit komentoi këtë rishikim të MKBHD, duke theksuar se R1 është ende duke u zhvilluar pasi mbledh më shumë të dhëna të përdoruesit dhe evoluon, dhe se priten përmirësime më të mira në të ardhmen. /Telegrafi/