KSHZ për futjen e Jakimovskit në listën e zezë amerikane: Kushtet për zgjedhjen e presidentit i përmban Kushtetuta

Pasi kandidati për president të shtetit, Stevço Jakimovski, sot ishte në “listën e zezë” të SHBA-ve, Komisioni Shtetëror i Zgjedhjeve në pyetjen e MPB-së nëse kjo do të ndikojë në kandidimin e tij, theksoi se kushtet për zgjedhjen e presidenti janë të përfshira në Kushtetutë.

Kandidat për President të Republikës sipas Kodit Zgjedhor mund të jetë personi i cili i plotëson kushtet për zgjedhjen e Presidentit të përcaktuara me Kushtetutë, e cila nga ana e saj parasheh vetëm këto kushte – të jetë shtetas i Republikës së Maqedonisë së Veriut. , të jetë së paku 40 vjeç dhe të jetë banor i shtetit për të paktën dhjetë vjet në 15 vitet e fundit.

“Vetëm këto kushte janë të përcaktuara me Kushtetutë për presidentin e shtetit. Kushtet tjera nuk i parasheh as Kodi Zgjedhor dhe i referohet Kushtetutës”, thonë nga KSHZ për MPB.

Sipas nenit 7, paragrafi 1 i Kodit Zgjedhor, kandidat për President të Republikës mund të jetë personi që plotëson kushtet për zgjedhjen e Presidentit të Republikës të përcaktuara me Kushtetutë.

Në Kushtetutë, zgjedhja e Presidentit të Republikës rregullohet me nenin 80, i cili thotë:

“Presidenti i Republikës zgjidhet në zgjedhje të përgjithshme dhe të drejtpërdrejta, me votim të fshehtë, për një periudhë pesëvjeçare. I njëjti person mund të zgjidhet President i Republikës maksimumi dy herë. Presidenti i Republikës duhet të jetë shtetas i Republikës së Maqedonisë. President i Republikës mund të zgjidhet personi që ka mbushur të paktën 40 vjeç në ditën e zgjedhjeve. Për President të Republikës nuk mund të zgjidhet personi i cili nuk ka qenë banor i Republikës së Maqedonisë së paku dhjetë vjet në 15 vitet e fundit, deri në ditën e zgjedhjeve”, thuhet në nenin 80 të Kushtetutës.

Pak orë pasi kryetari aktual i Komunës së Karposhit, Stevço Jakimovski, sot konfirmoi kandidaturën e tij për president para Komisionit Shtetëror Zgjedhor, Departamenti Amerikan i Shtetit njoftoi se për shkak të përfshirjes në korrupsion të madh, emëron disa zyrtarë nga Ballkani Perëndimor në një “listë e zezë”, përfshirë Jakimovskin.

Si kandidat presidencial i GROM-it, Jakimovski sot ia dorëzoi KSHZ-së 11.468 nënshkrimet e mbledhura për kandidat presidencial në zgjedhjet e ardhshme. Ai falënderoi qytetarët që konfirmuan kandidaturën e tij për president dhe u bëri thirrje të japin mbështetjen e tyre për hyrjen në raundin e dytë të zgjedhjeve presidenciale.

Për shkak të përfshirjes në korrupsion të madh, Departamenti Amerikan i Shtetit emëroi sot në “listën e zezë” disa zyrtarë nga Ballkani Perëndimor, në mesin e të cilëve, përveç Jakimovskit, u gjet edhe ish-kryeprokurorja speciale e Maqedonisë së Veriut, Katica Janeva.

Veprimet e tyre, tha Departamenti i Shtetit në një deklaratë, minuan sundimin e ligjit dhe besimin e publikut në institucionet demokratike dhe proceset publike të qeverive të tyre.