Trazirat në Francë, presidenti Macron mban takim urgjent me ministra dhe zyrtarë të lartë të sigurisë

Presidenti Emmanuel Macron është takuar me ministra dhe zyrtarë të lartë të sigurisë për të diskutuar situatën në të gjithë Francën.

Sipas mediave të huaja, përcjell Telegrafi, në mesin e të pranishmëve ishin Elisabeth Borne, kryeministrja franceze, Gérald Darmanin, ministri i brendshëm dhe ministri i drejtësisë Éric Dupont-Moretti.

Më herët është raportuar se 45,000 oficerë policie janë vendosur në të gjithë vendin në përpjekje për të shuar protestat që kanë vazhduar për pesë mbrëmje radhazi.

Lexo po ashtu "Stop trazirave": Gjyshja e adoleshentit të vrarë nga policia në Francë bën thirrje për qetësi

Ndërkohë kancelari gjerman Olaf Scholz ka thënë se po i shikon trazirat në Francë “me shqetësim”, në një intervistë për televizionin gjerman ARD.

Ndryshe, Emmanuel Macron duhej të ishte sot në Gjermani për një vizitë shtetërore, por duhej ta shtynte atë për shkak të trazirave në të gjithë vendin.

Scholz thotë se ndërsa është i shqetësuar, ai beson se Macron do të jetë në gjendje të menaxhojë situatën.

Lexo po ashtu Kaos, qindra të arrestuar dhe mijëra policë të angazhuar - si shkaktoi trazira, vrasja e një adoleshenti nga policia në Francë

“Unë nuk pres që Franca të bëhet e paqëndrueshme, edhe nëse imazhet janë sigurisht shumë shqetësuese”.

Ndryshe, Franca përjetoi një ditë tjetër të trazirave, me përleshje të ashpra mes policisë dhe protestuesve.

Kujtojmë se trazirat nisën pasi policia vrau të martën një djalë 17-vjeçar me origjinë algjeriane, Nahel, në periferinë e Parisit, Nanterre.

Si pasojë, qindra njerëz u arrestuan gjatë natës dhe 45 mijë policë u vendosën në rrugët e qyteteve franceze. /Telegrafi/