Mbi 50 të vdekur, qindra të shtruar në spitale dhe 23,000 të zhvendosur nga dhuna etnike në Manipur të Indisë

Dhuna etnike në shtetin indian të Manipur ka vrarë më shumë se 50 njerëz, ka lënë qindra të shtruar në spitale dhe ka zhvendosur 23,000 të tjerë, sipas zyrtarëve të spitaleve dhe ushtrisë indiane.

Thënë më saktë, të paktën 55 persona kanë mbetur të vdekur dhe 260 të tjerë janë shtruar në spital që kur shpërtheu dhuna midis anëtarëve të grupeve etnike Kuki dhe Meitei në fillim të kësaj jave, thanë të dielën zyrtarët e spitalit në qytetin Imphal, shkruajnë mediat e huaja, përcjell Telegrafi.

A burning church in Manipur, India. pic.twitter.com/qLCdFo7hp8

— Ashok (@ashoswai) May 7, 2023

Ushtria indiane, ndërkohë, tha se 23,000 civilë ishin larguar si pasojë e luftimeve, ndërsa njerëzit e zhvendosur ishin vendosur në baza ushtarake dhe garnizone në shtet.

Dy grupet etnike janë përplasur në rrugët e Imphal në lindje të Indisë dhe gjetkë.

Today in #Manipur #ManipurOnFire pic.twitter.com/8GuEjFDaov

— Брат (@B5001001101) May 4, 2023

Plagët me armë zjarri janë lëndimi më i zakonshëm, sipas zyrtarëve në spitalet Imphal, Instituti Rajonal i Shkencave Mjekësore, Instituti i Shkencave Mjekësore Jawaharlal Nehru dhe Spitali i Qarkut Churachandpur.

Tribals in Manipur are on the road to escape to neighboring states from the violence by non-tribals, while Modi is doing his road show in Karnataka! pic.twitter.com/IAgNViB9AO

— Ashok (@ashoswai) May 6, 2023

“Shumica e pacientëve po vijnë me lëndime të rënda nga plumbat ose janë goditur në kokë me shkopinj”, ka thënë për CNN, Dr Mang Hatzow nga Spitali i Qarkut Churachandpur në Manipur.

Trupat e ushtrisë indiane janë dislokuar në rrugë dhe një ndërprerje pesëditore e internetit celular është në fuqi. /Telegrafi/