Putin takon Kadyrovin teksa ukrainasit “po i pastrojnë llogoret ruse” në Bakhmut

Luftimet po vazhdojnë në Bakhmut, me trupat ukrainase që po “pastrojnë llogoret ruse” në luftime të afërta, sipas një zëvendëskomandanti ukrainas.

“Situata në Bakhmut është jashtëzakonisht e tensionuar. Armiku po përpiqet të sulmojë pozicionet e AFU-së (Forcat e Armatosura të Ukrainës) dhe po bën gjithçka që mundet për të avancuar”, ka thënë majori Rodion Kudriashov.

“Situata është e tensionuar, por plotësisht nën kontrollin e AFU. Ne po menaxhojmë mbrojtjen dhe po kundërsulmojmë seksionet problematike”.

“Gjatë betejave të këmbësorisë, ne po rifitojmë pozicionet tona dhe po sulmojmë armikun. Ka beteja të vazhdueshme me armë në distancë 10-50 metra”, citohet të ketë thënë Kudriashov.

Ndërsa një bloger ushtarak pro-rus ka thënë se luftëtarët e Wagner kishin filluar sulmin e tyre në pjesën nëntokësore të një fabrike të madhe metalurgjike në Bakhmut, prtendim të cilin CNN thotë se nuk mund ta konfirmojë.

Ndërkohë udhëheqësi çeçen pro-Kremlinit, Ramzan Kadyrov është pritur nga presidenti rus, Vladimir Putin në Kremlin, ku siç është thënë “për të folur rreth luftës në Ukrainë”.

Chechnya’s Ramzan Kadyrov is visiting Putin in Moscow for the first time since early February last year, before the invasion of Ukraine.

His eldest son Akhmat, 17, had a highly unusual one-on-one with Putin earlier this month – fueling speculation about Ramzan’s future pic.twitter.com/wMLqmvkbSj

— max seddon (@maxseddon) March 13, 2023

Kadyriv ka mbetur një mbështetës i pushtimit rus të Ukrainës dhe vitin e kaluar tha se tre djemtë e tij adoleshentë – 14, 15 dhe 16 vjeç – së shpejti do të shkojnë në Ukrainë për të luftuar në vijën e parë të frontit.

Ai gjithashtu i ka bërë thirrje Moskës të konsiderojë përdorimin e “armëve bërthamore me rendiment të ulët” në Ukrainë në të kaluarën. /Telegrafi/