Maqedonia e Veriut e varur nga importi i ushqimeve

Sipërfaqe të mëdha të hambarit më të madh në Maqedoni, Pellagonisë, kanë mbetur të pambjella, respektivisht të papunuara vitet e fundit, prodhimi është përgjysmuar dhe është larg viteve të arta kur në atë pjesë të vendit mbilleshin mbi 20 mijë hektarë. Kjo po ndodh edhe pse Maqedonia po bëhet gjithnjë e më e varur nga importi i të gjitha llojeve të ushqimeve dhe për shkak të luftës në Ukrainë, çmimi i ushqimeve është rritur shumëfish këtë vit dhe nuk ka pasur lëndë të parë.

“Nëse kthehemi më shumë se 10 vjet prapa, vetëm Pellagonia kombinon sipërfaqet e mbjella prej 8 deri në 10 mijë hektarë me kulturat vjeshtore. Në vitet e largëta, gjiganti i asaj kohe, ZIK Pelagonia, prodhonte mbi 70 mijë tonë drithë…” , u shpreh Tode Llazarevski – agronom bujqësor.

Kokrrat e grurit tani përfaqësohen me 12,000 hektarë. Kjo është vetëm 2000 më shumë se vitin e kaluar. Problem shtesë është se numri i bujqve të rinj në Maqedoni po zvogëlohet. Lufta në Ukrainë ka rritur ndjeshëm çmimet e repromaterialeve të nevojshme.

“Ushqimi për bagëti është rritur 100%. Tani misri, përbërësi bazë i ushqimit, është diku rreth 22 denarë për kilogram. Më parë ishte 18 denarë. Me tendencën që drithërat të rriten edhe më shumë. Unë them që në çdo fshat të ketë inspektor që të shohë se cilët janë fermerët e vërtetë në atë vendbanim dhe t’ua drejtojë ndihmën fermerëve të vërtetë”, tha Brane Damjanoski – pronar ferme.

Në vitet e fundit, sipas Entit të Statistikave, viti rekord për prodhim ka qenë viti 2016, kur janë prodhuar 60 mijë tonë grurë, ndërsa prodhimi më i ulët ka qenë në vitin 2015, me 17 mijë tonë të korrur./Alsat.mk