“Nuk kam thellësi në skuadër, duhen përforcime”, Arteta paralajmëron bordin e Arsenalit pas eliminimit nga Kupa

Menaxheri i Arsenalit, Mikel Arteta pranoi se skuadra e tij e Arsenalit është “shumë, shumë e shkurtër” pasi humbën ndaj Brighton të mërkurën mbrëma dhe u eliminuan nga Carabao Cup.

Topçinjtë u mundën në ndeshjen e raundit të tretë të mërkurën, duke humbur 3-1 në Emirates Stadium.

Me ish-topçiun Danny Welbeck që hyri në listën e golashënuesve, Arteta mbeti të ankohej për mungesën e thellësisë së skuadrës në dispozicion të tij.

“Ne e dimë se ku jemi për momentin. E dimë gjithashtu se kemi lëndime të caktuara, dhe skuadra është shumë, shumë e shkurtër”, ka thënë fillimisht Arteta pas ndeshjes për gazetarët.

It ends in defeat in the Carabao Cup.

🔴 1-3 🔵 (FT) pic.twitter.com/BjH6pm8ctw

— Arsenal (@Arsenal) November 9, 2022

“Ne jemi përpjekur ta menaxhojmë atë në situatën më të mirë të mundshme. Është e njëjta gjë kur fitojmë një ndeshje futbolli, kështu që nuk ka justifikime”.

“Është e njëjta skuadër si kur fitojmë. Unë kam thënë që në ditën e parë që kemi një skuadër të shkurtër sepse në fund kemi lënë disa lojtarë të largohen. Është ajo që kemi”.

“Nëse të gjithë janë në dispozicion dhe askush nuk lëndohet, ne jemi në rregull, por në momentin që lëndohet dikush, ne e dimë se çfarë është. Nuk është asgjë e re. Mendoj se e thashë ditën e parë pas afatit kalimtar”.

Arteta on his squad: "It’s the same squad as when we win. I said from day one that we have a short squad. If everyone’s available and no one is injured we are OK, but the moment there is, we know what it is. It’s nothing new. I said it the first day after the transfer window."

— Charles Watts (@charles_watts) November 9, 2022

Arteta komentoi edhe për afatin kalimtar të janarit:

“Ky është një afat që hapet dhe ne do të duhet të diskutojmë mundësitë që kemi, kapacitetin që kemi për çdo ndryshim dhe të jemi në treg për mundësi sepse nuk e dimë se çfarë do të ndodhë në ndeshjen e fundit para Kupës së Botës. Pra, janë shumë opsione që janë të hapura”, përfundoi trajneri i Arsenalit. /Telegrafi/