Një shenjë që paralajmëron që urgjentisht duhet të ndërprisni dietën

Bisedoni me terapistin e ushqimit dhe mësoni se çka po e dëmton trupin tuaj në mënyrë të padukshme

Dieta mund të shkaktojë lodhje të vazhdueshme dhe përkeqësim të përgjithshëm të shëndetit, thekson dietologia Amy Goodson.

Ajo i ka theksuar dy shenja kryesore të cilat tregojnë që duhet të ndërprisni të humbni peshë.

Sinjali kryesor i cili sugjeron që është koha të hiqni dorë nga dieta dhe të kaloni në ushqim më të balancuar, por i cili përmban edhe disa artikuj kalorikë, është rritja e nivelit të kolesterinës, ka thënë Goodson, transmeton Telegrafi.

Ky problem mund të shfaqet për shkak të konsumimit të vazhdueshëm të artikujve me përmbajtje të ulët të karbohidrateve, me përmbajtje të lartë të yndyrave dhe proteinave.

Sipas saj, shumica e regjimeve strikte dietale bazohet pothuajse në eliminimin e plotë të karbohidrateve, që do të thotë që ulet konsumimi i perimeve, frutave dhe drithërave integrale.

Për këtë shkak trupit i mungojnë fibrat, të cilat marrin pjesë në rregullimin e nivelit të kolesterinës.

Si një tjetër shenjë alarmante, që tregon se duhet të ndaloni së dobësoheni, nutricionistja përmendi ndjenjën e vazhdueshme të urisë.

Goodson shpjegoi se zvogëlimi i ashpër i kalorive për një periudhë të gjatë kohore jo vetëm që ka një efekt të keq në shëndet, por gjithashtu e bën një person të ndihet i pakënaqur, i dëshpëruar, i rraskapitur… Për të shmangur këtë, duhet të kaloni në një mënyrë më të shëndetshme dhe më të ekuilibruar të ushqyerit.

Është vënë re gjithashtu se dietat kufizuese dhe humbja drastike e peshës ndikojnë në shfaqjen e lodhjes së pashpjegueshme edhe pas një gjumi të qetë. /Telegrafi/