Pse nuk duhet të flini kurrë gjatë ngritjes dhe uljes së avionit?

Ju mbase mund të prisni derisa të jeni në ajër përpara se të përpiqeni të ulni kokën dhe të bini në gjumë kur avioni juaj të ngrihet

Farmacistja britanike Angela Chalmers ka thënë për “Express:” “Ndryshimi i shpejtë i lartësisë mbidetare ndikon në presionin e ajrit në veshë. Kjo çon në një vakum në tubat Eustachian, gjë që i bën veshët të ndihen të bllokuar dhe të shurdhër. Mundohuni të mos flini gjatë ngritjes dhe zbritjes, sepse nuk do të gëlltisni kaq shpesh dhe kjo mund të çojë në bllokimin e veshëve”.

Nëse veshët tuaj mbeten të bllokuar, kjo mund të krijojë një sërë problemesh shëndetësore. Këto përfshijnë marramendje, infeksione të veshit, dëmtim të daulles së veshit, madje edhe gjakrrjedhje nga hundët dhe humbje dëgjimi, transmeton Telegrafi.

Sipas MedlinePlus: “Gëlltitja ose gogësitja hap tubin e Eustachit dhe lejon që ajri të rrjedhë brenda ose jashtë veshit të mesëm, gjë që ndihmon në barazimin e presionit në të dy anët e daulles së veshit.

Gjithashtu nuk duhet të fluturoni kur jeni të sëmurë, pasi kjo mund të prekë edhe veshët tuaj.

Tom Tripp, ish-gazetar i aviacionit dhe drejtor ekzekutiv në Boeing, tha se një herë kam fluturuar nga Washingtoni për në Los Angelos ndërsa vuaja nga një ftohje shumë e lehtë. Nuk kisha temperaturë dhe nuk ndihesha i bllokuar. Megjithatë, sinuset e mia dhe veshi i brendshëm kishin vështirësi të mëdha për të barazuar presionin kur zbrisja në LA. Në fakt, njëri vesh thjesht nuk u qetësua dhe unë isha pothuajse në lot nga dhimbja torturuese pas uljes.”

Gjithashtu, harroni shprehinë që të mbështeteni në dritare kur dëshironi të flini gjatë verës.

Stjuardesat paralajmërojnë se nuk duhet të mbështeteni kurrë në dritare për një arsye mjaft të neveritshme.

Anëtarja e ekuipazhit të kabinës Linda Ferguson, e cila ka punuar për linjat ajrore për 24 vjet, tha se dritarja ishte pjesa më e ndotur e avionit sepse pasagjerët kolliten dhe teshtijnë rregullisht në të. /Telegrafi/