U detyrua të largohej nga Kiev dhe nuk paguhej më, ekipi FPX i ka kërkuar falje lojtarit të tyre ukrainas ANGE1

Organizata e eSports me bazë në Kinë, FunPlus Phoenix i ka kërkuar falje lojtarit të VALORANT, Kirill “ANGE1” Karasiow, dhe agjentit të tij, Jerome Coupez, pas vendimit të fundit që ekipi kishte marrë që mos ta paguaj lojtarin ukrainas.

ANGE1, i cili jetonte në Kiev, u detyrua të largohej nga kryeqyteti ukrainas pak ditë më parë pas breshërisë së sulmeve nga ushtria ruse në Ukrainë.

Në pamundësi të ukrainasit që të luaj për ekipin e tij FunPlus Phoenix, ekipi kishte marrë një vendim që mos të vazhdojë ta paguaj lojtarin nga mesi i muajit mars.

Ky vendim nuk ishte pritur aspak mirë nga agjenti i lojtarit ANGE1, Jerome Coupez, i cili e kishte shprehur mllefin e tij nëpërmjet postimeve ne Twitter.

Por, siç duket pas bisedimeve me stafin e ekipit FPX, palët kanë arritur një marrëveshje, ku stafi i ekipit FPX i ka kërkuar falje lojtarit dhe agjentit duke thënë se do të vazhdojnë ta paguajnë ANGE1 pa i kërkuar që të luajë për ekipin.

Update; the situation has been resolved & FPX will pay the full salary of the player for as long as needed, without asking him to play.

The CEO of FPX did apologize in person to us.
It means a lot, thanks to FPX & everyone for the support.

Safety is the only thing that matters. https://t.co/eefDXrGLOk

— Jérôme Coupez (@Jerome_Coupez) March 11, 2022

“Situata është zgjidhur dhe FPX do të paguajë pagën e plotë të lojtarit për aq kohë sa të jetë e nevojshme, pa kërkuar që ai të luajë”.

“Në fund, jam shumë emocional, por jam mirënjohës që FPX e kuptoi peshën e situatës dhe mori vendimin e duhur”, shkroi Coupez në Twitter.

Ndërkaq, ekipi i FPX në mungesë të ANGE1 do të përballet nesër (e shtunë) kundër Team Liquid dhe më 13 mars ndaj LDN UTD në turneun VALORANT Champions EMEA Stage One Challengers. /Telegrafi/