Kacarska i shkruan Talat Xhaferit: Zgjidhni katër gjykatës tjerë në Gjykatën Kushtetuese

Kryetarja e Gjykatës Kushtetuese, Dobrilla Kacarska sot i dërgoi letër kryetarit të Kuvendit, Talat Xhaferi ku shprehu shqetësimin për gjendjen me zvogëlimin e numrit të gjykatësve dhe kërkoi nga ai që të përdor autoritetin et ij dhe në Kuvend të zgjidhen katër gjykatës e ri.

Në letër thuhet se Kushtetuta e definon Maqedoninë e Veriut si demokraci parlamentare, ndërsa Gjykata Kushtetuese si organ e mbron kushtetutshmërinë, ligjet dhe të drejtat e njeriut dhe për këtë arsye, kjo gjykatë funksionon vetëm me 5 gjykatës edhe pse Kushtetuta parasheh përbërjen e plotë me 9 gjykatës.

“Kjo ka ndikim gjatë vendimmarrjes ku shpesh herë ndodh që propozimi të mos ketë shumicën për shkak se për momentin për 16 lëndë nuk mund të merret vendim. Krahas kësaj, theksoj se para gjykatës duhet të shqyrtohen lëndë që janë në interes të shtetit dhe ku duhet të vendosë përbërja e plotë e gjykatës”, thuhet në letër.

Në fund ajo kërkon nga kuvendi të zgjedh gjykatësit e ri dhe me këtë do të ruhej funksionaliteti i Gjykatës Kushtetuese./Telegrafi/