Messit i thuhet se nuk meriton ta fitojë Topin e Artë për shkak të kartonit të kuq

Lionel Messi nuk duhet ta fitojë Topin e Artë këtë vit për faktin se ai mori një karton të kuq.

Kjo është pikëpamja e ish-mbrojtësit të Chelseat, Frank Leboeuf, i cili e krahasoi situatën me dy rastet kur Zinedine Zidane u injoruar për çmimin e madh individual.

Messi ishte i jashtëzakonshëm në një ekip të dobët të Barcelonës sezonin e kaluar, duke shënuar 38 gola në 47 paraqitje.

Në verë, pas një serie humbjesh përfundimtare, ai më në fund fitoi një trofe ndërkombëtar me Argjentinën, kur ai drejtoi La Albiceleste në një triumf të shumëpritur të Copa America.

Ai fitoi si Topin e Artë (në Amerikë) ashtu edhe Këpucën e Artë për paraqitjet e tij dhe shumë besojnë se triumfi, i shoqëruar me paraqitjet e tij, duhet të jetë e mjaftueshme për të parë superyllin e PSG-së të marrë Topin e Artë të shtatë.

Por, Lebouef nuk pajtohet dhe mendon se Messi nuk e meriton çmimin për shkak të kartonit të kuq që mori për ndërhyrjen në Asier Villalibre të Athletic Bilbao në finalen e Superkupës së Spanjës në janar.

🗣️ Leboeuf : "En 2000 et 2006, Zidane n'avait pas eu le Ballon d'Or parce qu'il avait pris un carton rouge à chaque fois. Messi a pris un rouge en Supercoupe d'Espagne pour un coup de poing, ça peut compter. Si on ne l'a pas donné à Zizou, on ne devrait pas le donner à Messi" pic.twitter.com/oSZ383N78d

— Téléfoot (@telefoot_TF1) October 17, 2021

“Në vitin 2000 dhe 2006, Zidane nuk e fitoi Topin e Artë sepse mori një karton të kuq në çdo vit”, ka thënë Lebouef në TeleFoot.

“Messi mori një karton të kuq në Superkupën e Spanjës për shkak të një goditje, kjo vlen. Nëse nuk ia kemi dhënë Zizou, nuk duhet t’ia japim Messit”.

Kartoni i kuq ndaj Messit, e cila u dha nga VAR për sjellje të dhunshme, ishte hera e parë që ai u ndëshkua në karrierën e tij në klub. /Telegrafi/

https://www.youtube.com/watch?v=SMCG7idE_cw