Solskjaer i ka njoftuar tashmë lojtarët e Manchester Unitedit rreth formacionit të ri më sulmues të ekipit

Ole Gunnar Solskjaer është vendosur të ndryshojë taktikat e tij për sezonin e ardhshëm të Ligës Premier, me menaxherin e Manchester Unitedi që u ka treguar lojtarëve të tij për formacionin e ri tashmë.

Në sezonin e kaluar, Unitedi kishte plasmanin më të mirë që kur Sir Alex Ferguson u pensionua në vitin 2013, pasi përfunduan në vendin e dytë, 12 pikë larg kampionit Manchester City.

Solskjaer luftoi për të marrë më të mirën nga ekipi i tij në disa raste, veçanërisht kundër ‘gjashtëshes së madhe’ dhe u akuzua se ishte shumë negativ, duke fituar vetëm 11 pikë në 10 ndeshjet kundër tyre dhe duke shënuar vetëm tetë herë.

Lexo po ashtu Superkompjuteri parashikon sezonin 2021/22 në Ligën Premier – mësohet kampioni, top katërshja dhe ekipet që bien nga kategoria

Në ato ndeshje, Unitedi shpesh luante me Scott McTominay dhe Fred në qendër të mesfushës dhe iu desh të sakrifikonte të paktën një nga lojtarët e tij sulmues.

Sidoqoftë duket se menaxheri do ta ndryshojë atë për sezonin e ardhshëm dhe në vend të kësaj do të luajë me një renditje 4-3-3, me dy mesfushorë sulmues dhe një mbrojtës.

Sipas rrjetit televiziv ESPN, Solskjaer tashmë i ka njoftuar lojtarët që janë kthyer në stërvitje këtë verë për planin e tij në lidhje me formacionin sulmues.

Raporti thotë se një mbrojtës i ri qendror është thelbësor për ndryshimin e taktikës, me klubin që ndjek aktualisht Raphael Varane nga Real Madrid.

Solskjaer shpreson që transferimi i mundshëm i Varanes do ta lejojë atë që të luajë më sulmues dhe Bruno Fernandes dhe Paul Pogba të luajnë më shpesh së bashku në mesfushë.

Ky veprim mund të lejojë gjithashtu që Donny van de Beek të luajë më shpesh në një pozicion që i përshtatet më shumë, përkrah një mesfushori tjetër sulmues, edhe pse ai dhe Pogba janë lidhur me largime nga klubi. /Telegrafi/