LAJMI I FUNDIT:

Vazhdojnë me përgatitjet intensive para garave evropiane

Vazhdojnë me përgatitjet intensive para garave evropiane
(Foto: basketbolli.com)

Ekipet e reja përfaqësuese të Kosovës po vazhdojnë me përgatitje para garave evropiane, që do të zhvillohen në muajin korrik dhe gusht.

Përfaqësuesja A e Kosovës te femrat, që për herë të parë do të garojë në arenën ndërkombëtare po vazhdon me përgatitje dy herë në ditë, në mënyrë që të jetë sa më e përgatitur për Kampionatin Evropian për Shtete të Vogla që zhvillohet nga 20 deri më 25 korrik. Vashat e Kosovës janë në grup me Luksemburgun dhe Qipron.

Në stërvitje të premten u është bashkuar edhe amerikania e natyralizuar, Alexis Tolefree, kurse më 3 korrik u bashkohet edhe Astera Tuhina. Përgatitjet deri më tani kanë shkuar sipas planit nën udhëheqjen e Fidan Shatrit dhe shtabit teknik të Përfaqësueses A të Kosovës.


Edhe vashat e Kosovës U20 po vazhdojnë me përgatitje dy herë në ditë, kurse të mërkurën pasdite do të pushojnë për shkak të matjeve që do t’i kenë. Të udhëhequra nga Furkan Saglik, përgatitjet deri më tani po shkojnë sipas planit.

Kosova U20 (F) do të marrë pjesë në Grupin E të FIBA U20 Women’s European Challengers, që do të organizohet në Shkup prej 13 deri më 18 Korrik 2021. Kosova do të luajë në grup me Rumaninë, Sllovakinë, Luksemburgun dhe Maqedoninë e Veriut.

Gjithashtu edhe Kosova U20, U18 edhe U16 ka grumbullime të rregullta dhe matje para garave evropiane që do t’i kenë në korrik dhe gusht.

Kosova U20 (M) do të marrë pjesë në Grupin E të FIBA U20 European Challengers që do të mbahet prej 20 deri më 25 Korrik 2021 në Sopron të Hungarisë. Në këtë qytet do të luhet edhe Grupi D me këto shtete pjesëmarrëse: Maqedonia e Veriut, Zvicra, Rumania e Luksemburgu. Kosova është në grup me Bjellorusinë, Hungarinë e Sllovakinë.

Kosova U18 (M) do të marrë pjesë në Grupin F të FIBA U18 European Challengers që do të mbahet prej 3 deri më 8 Gusht 2021 në Tiranë. Kosova është në grup me Shqipërinë dhe Moldavinë.

Duhet theksuar se FIBA U16 European Challengers, Grupi E do të organizohet në Prishtinë prej 16 deri më 21 Gusht 2021. Në këtë grup Kosova garon me Luksemburgun, Shqipërinë, Gjibraltarin, Moldavinë dhe Maltën. Në FIBA U16 European Challengers garojnë gjithsej 31 shtete.

Në trend Sport

Më shumë
Granit Xhaka shënon gol spektakolar në fitoren e thellë të Bayer Leverkusenit dhe njofton se do të bëhet sërish baba

Granit Xhaka shënon gol spektakolar në fitoren e thellë të Bayer Leverkusenit dhe njofton se do të bëhet sërish baba

Bundesliga
Zbulohet arsyeja pse Messi refuzoi që të marrë pjesë në 125-vjetorin e Barcelonës

Zbulohet arsyeja pse Messi refuzoi që të marrë pjesë në 125-vjetorin e Barcelonës

La Liga
Nuk po gjen hapësira në formacion, ylli i Real Madridit mund të kalojë në janar tek rivalët

Nuk po gjen hapësira në formacion, ylli i Real Madridit mund të kalojë në janar tek rivalët

La Liga
Vedat Muriqi ndëshkohet me karton të kuq për gjest të pahijshëm në fitoren e Mallorcas

Vedat Muriqi ndëshkohet me karton të kuq për gjest të pahijshëm në fitoren e Mallorcas

La Liga
Chiesa thyen heshtjen pas raportimeve se është i palumtur tek Liverpooli

Chiesa thyen heshtjen pas raportimeve se është i palumtur tek Liverpooli

Premier League

"Nuk mund të bërtasësh Serbi, Serbi në një stadium përballë një populli të masakruar" - gazetari rumun shumë kritikues ndaj tifozëve

Përfaqësuesja e Kosovës
Kalo në kategori