Pirja e alkoolit mund të zvogëlojë efektivitetin e vaksinës së coronavirusit, paralajmërojnë ekspertët

Alkooli ndryshon përbërjen e mikroorganizmave në zorrë të cilat ndihmojnë në ndalimin e baktereve dhe viruseve që përhapen në të gjithë trupin.

Kjo mund të nënkuptojë që qelizat e bardha të gjakut – të cilat lëshojnë antitrupa për të sulmuar si COVID-19 dhe probleme të tjera – dëmtohen ose zvogëlohen dhe nuk janë në gjendje të luftojnë një sulm.

Si pjesë e dokumentarit të ri të BBC, “E vërteta rreth rritjes së sistemit tuaj imunitar”, i cili transmetohet të mërkurën, Dr Ronx Ikharia zhvilloi një eksperiment me Counsco.

Specialisti i mjekësisë së urgjencës mori mostra gjaku para dhe pasi piu tre gota me verë të bardhë. Ata zbuluan se sasia ishte e mjaftueshme për të ulur gjysmën e niveleve të qelizave të bardha të limfociteve në gjak, shkruan Metro.

Ndërkohë, imunologia e Universitetit të Mançesterit, Profesoresha Sheena Cruickshank tha se zvogëlimi i limfociteve mund të ulte efektivitetin e përgjigjes imune të trupit. Si rezultat, ajo ka paralajmëruar këdo që merr vaksinën të abstenojë nga alkooli menjëherë para dhe pas vaksinimit.

Ajo i tha programit: “Ju duhet të keni sistem imunitar që funksionon tip-top për të pasur një përgjigje të mirë ndaj vaksinës, kështu që nëse pini një natë më parë, ose pak më vonë, kjo nuk do t’ju ndihmojë”. /Telegrafi/