Neville këmbëngul që Manchester Unitedi ende ka nevojë për pesë transferime për të sfiduar titullin në Ligën Premier

Legjenda e Manchester Unitedit, Gary Neville beson se klubi duhet të nënshkruajë edhe me pesë lojtarë të tjerë për të qenë kandidat për fitimin e titullit kampion.

Djajtë e Kuq janë të zënë në tregun e transferimeve, pasi së fundmi nënshkruan me Donny van de Beek nga Ajaxi për 40 milionë euro.

Por, Neville mendon se është vetëm një hap i vogël në drejtimin e duhur pasi synojnë të mbyllin hendekun me Liverpoolin dhe Manchester Cityn.

Lexo po ashtu Scholes këshillon Unitedin: Nevojiten edhe dy transferime cilësore për të qenë sfidues të titullit

Legjenda angleze këmbëngul se Djajtë e Kuq kanë nevojë edhe për pesë transferime tjera për të sfiduar titullin.

“Ata duhet të nënshkruajnë me një qendërmbrojtës të klasit botëror. Për mua, edhe me një tjetër lojtar të mesfushës”, ka thënë fillimisht Neville për Sky Sports.

Lexo po ashtu Solskjaer dëshiron përforcime në sezonin e ri për të konkurruar me rivalët

“Gjithashtu mendoj se ju duhet një anësor sulmues i djathtë, një qendërsulmues dhe një mbrojtës i majtë për shkak të dëmtimeve të Luke Shaw dhe faktit që ai padyshim ka qenë brenda dhe jashtë ekipit në dy ose tre vitet e fundit”.

“Kështu që, mendoj se padyshim që kërkohen katër ose pesë lojtarë dhe për të mos marrë tre, mendoj se do të ishte një problem për shkak të asaj që po bëjnë klubet e tjera”, përfundoi anglezi. /Telegrafi/