Sa njerëz të tjerë mund të vdesin nga coronavirusi në Suedi? Autoritetet kanë “në tavolinë” tre skenarët e mundshëm!

Suedia tashmë ka statistikat më të këqija sa i përket numrit të vdekjeve nga coronavirusi.

Agjencia Suedeze e Shëndetit Publik ka hartuar tre skenarë rreth krizës me COVID-19, ku parashikohet vdekja e 5.800 njerëzve të tjerë.

Sipas të dhënave më të fundit, numri i të vdekurve në shtetin suedez ka kapur shifrat e 5,646 personave gjersa janë prekur 78.1166 banorë.

Kjo ka bërë që shteti suedez të hyjë në grupin e një prej vendeve me numrin më të madh të të infektuarish në botë.

Skenari aktual parashikon që shkalla e infeksionit të mbetet në një nivel relativisht të ulët, gjë që do të çonte drejt uljes së ngadaltë të përhapjes së infeksionit.

Vlerësohet se në këtë rast do të ndërronin jetë rreth 1,108 njerëz, transmeton Telegrafi.

Ky skenar tashmë është parë në pjesë të tjera të botës dhe duket se ndjek rrugën e zakonshme të COVID-19, tha shefi i epidemisë Anders Tegnel.

Skenari i dytë bazohet në virusin që përhapet në mënyrë të pabarabartë, i cili mund të sjell një valë të dytë gjatë vjeshtës, e ndjekur nga një kulm i ri në fillim të vitit 2021.

Sipas modelit të Agjencisë së Shëndetit Publik, gati 3,250 më shumë njerëz do të vdisnin në këtë situatë, nga të cilët gati 2.980 do të ishin më të vjetër se 70-vjet, shkruan thelocal.se.

Skenari i tretë përshkruan se çfarë mund të ndodhë nëse përhapja e infeksionit do të rritet në mënyrë të qëndrueshme në të gjitha 21 rajonet në të gjithë Suedinë. Rreth 4,460 njerëz mund të vdisnin në atë skenar, përfshirë rreth 4,010 të moshës mbi 70 vjeç.

Lexo po ashtu Autoritetet shëndetësore në Suedi thonë se njerëzit mund të jenë imun vetëm gjashtë muaj pas shërimit nga coronavirusi

Ndryshe, raporti vjen si përgjigje ndaj një kërkese të qeverisë, e cila në fillim të këtij muaji urdhëroi Agjencinë e Shëndetit Publik, Bordin Kombëtar të Shëndetit dhe Mirëqenies, Agjencinë e Produkteve Mjekësore, Agjencinë e Emergjencave Civile dhe bordet administrative të qarkut të vendit për të filluar hartimin e planeve për mënyrën e trajtimit në rast të rritjes së numrit të personave me COVID-19 – e cila gjë ka ndodhur në disa vende të tjera. /Telegrafi/