Labi premton donacion për Kullat e Jasharajve në Prekaz

Kullat e Jasharjave në Prekaz të Skenderajt tash e sa kohë janë në rrezik shembjeje.

Konservimi i tyre nisi muaj më parë por si proces mbeti në gjysmë dhe ende nuk ka një verdikt final se çfarë pritet të ndodh me ruajtjen e një momunemnti të tillë kulturor.

Sido që të jetë, këngëtari i njohur ferizajas, Labinot Hairi, duket se ka shprehur gatishmërinë që të ndihmojë me donacione, rregullimin edhe të më tutjeshëm të kompleksit memorial.

Në disa fotografi të publikuara në rrjetin social Facebook, Tahiri shkruan se bashkë me fondacionin e tij është në pritje të grumbullimit të mjeteve dhe pret që të takohet edhe me kryetarin e Skenderajt, Bekim Jashari.

“Të dashur shqiptarë, keni çfarë të shikoni me krenari pêr ndihmën që keni dhênë.

Krenarë me punën tonë si fondacion dhe vullnetarë që se bashku kemi ndihmuar vendin ku janë të varrosur dëshmorët e kombit tonë!

Po presim që të vazhdojmë e ta dërgojmë donacionin në Prekaz, për kullat e Jasharajve! Sapo të jemi në kontakt me Komunên e Skenderajt dhe kryetarin e nderuar Bekim Jasharin kështu do bëhet edhe atje zbukurimi i varrezave të dëshmorëve!

Shteti të veproj më shpejtë për atë vend të bekuar!

Me dashuri Labinot Tahiri Ferizaj Kosovë e Shqipërisë”, ka shkruar këngëtari Labinot Tahiri në Facebook. /Telegrafi/