Të gjithë skenarët kualifikues pas ndeshjes Republika Çeke – Kosova

Takimi kundër Republikës Çeke shënon njërën prej ndeshjeve vendimtare Të Kosovës në kualifikimet për Kampionatin Evropian, ‘Euro 2020’. Dardanët janë mysafirë të çekëve në Doosan Arena të Plzenit.

Të dyja këto përfaqësuese janë në konkurrim të drejtpërdrejtë për një vend që dërgon në fazat finale të Kampionatit të ardhshëm Evropian.

Lexo po ashtu Detajet e ndeshjes Republika Çeke 2-1 Kosova

Si mund të ndodhë kualifikimi i sigurt i Kosovës

Kosova duhet të fitojë ndaj Republikës Çeke në Plzen dhe së paku të barazojë ndaj Anglisë në Prishtinë.

Në këtë rast, nëse Çekia do ta fitonte takimin e fundit ndaj Bullgarisë do të kishte pikë të barabarta me Kosovën (nga 15-të) dhe skuadra jonë do të vazhdonte tutje falë ndeshjeve direkte.

Teksa në rast se Përfaqësuesja jonë triumfon edhe ndaj Anglisë, atëherë epërsia do të ishte bindëse.

Mundësia e dytë e kualifikimit të Kosovës

Në rast se Kosova dhe Republika Çeke ndahen baras, atëherë skuadra jonë do t’ kishte 12 pikë, kurse ekipi kundërshtar 13 pikë.

Çekët luajnë kundër Bullgarisë në ndeshjen e fundit kualifikuese për ‘Euro 2020’ dhe ne duhet të shpresojmë që bullgarët të mos e humbin sfidën.

Nëse ndodh kështu, Kosova do ta ketë në dorë kualifikimin në përballjen ndaj Anglisë në “Fadil Vokrri”, duke qenë se me fitoren tonë ndaj Tre Luanëve (15 pikë) dhe më barazimin apo humbjen e Republikës Çeke ndaj Bullgarisë (13 apo 14 pikë), Dardanët kualifikohet në fazat finale të Kampionatit Evropian.

Skenari më i keq

Kosova nuk guxon ta humbë ndeshjen ndaj Republikës Çeke, pasi nëse ndodh kjo, atëherë humben gjasat matematikore për kualifikim.

Në rast se kundërshtari e fiton takimin, atëherë do të ngritet në kuotën e 15 pikëve, kurse Dardanët mbesin në 11 pikë, që do të thotë se edhe nëse e mposhtim Anglinë në “Fadil Vokrri” (14 pikë) dhe nëse çekët pësojnë nga Bullgaria, përfaqësuesja jonë eliminohet.

Në këtë situatë, Kosova do ta kërkojë kualifikimin përmes Ligës së Kombeve.

/Telegrafi/