Kabineti i Presidentit: Komisioni për dekorime dhe mirënjohje, me anëtarë të rinj

Në kabinetin e presidentit të Republikës së Maqedonisë së Veriut sot u zhvillua seancë konstituive të Komisionit për Dekorime dhe Njohje, një organ pune i Presidentit të Republikës së Maqedonisë së Veriut, ku mori pjesë presidenti, Stevo Pendarovski.

Sipas kabinetit të presidentit Pendarovski, Marjan Gjurovski është emëruar kryetar i Komisionit për Dekorime dhe Njohje, me akademikë Luan Starova, Darko Pançev, Sabina Ajrula, Biljana Peeva-Gjuqriq, Vesna Gjinovska dhe Miroslav Milevski të nominuar për anëtarët e saj.

“Presidenti Pendarovski u uroi anëtarëve të Komisionit punën e suksesshme. Ai theksoi se vendimi për përbërjen e komisionit është nxitur nga nevoja për të përfshirë individë që kishin lënë gjurmët e tyre gjatë gjithë jetës. Anëtarët e Komisionit falënderuan për nderin që u bënë pjesë e trupit punues të Presidentit dhe shprehën shpresën e tyre për punën konstruktive të Komisionit, me qëllim bërjen e propozimeve për dhënien e nderimeve dhe njohjeve për individë dhe organizata që kanë kontribuar në Republikën e Maqedonisë së Veriut”, thuhet në deklaratën e kabinetit të Pendarovskit./Telegrafi/