Mësojani rëndësinë afatit të përdorimit të artikujve, kur blini me çmime të ulura

Mbishkrimet “të përdoret deri…”, “më së miri të përdoret deri më…”, tregojnë në afatin minimal të përdorimit të disa artikujve

Deri në datën e theksuar prodhuesi garanton për kualitetin e ushqimit. Mirëpo, a është mirë të përdoret prodhimi edhe pas kalimit të afatit?

Sa gjatë mund të përdoret? A është i padëmshëm konsumimi edhe pas kalimit të afatit?

Salca

Salca do ta ruajë cilësinë vetëm nëse e ruani gjashtë muaj në frigorifer. Është i sigurt të konsumohet edhe pas gjashtë muajsh, përveç nëse nuk i vjen një erë e keqe apo nëse vëreni myk. Më së miri është të blihet në ambalazh qelqi.

Jogurti dhe ajka

Jogurti mund të konsumohet edhe shtatë ditë pas kalimit të afatit të përdorimit. Madje mund të përdoret edhe një deri në dy muaj pas kalimit të afatit nëse është mbajtur në frigorifer me ngrirje të thellë. Mirëpo, nëse shfaqet myku, hidheni. Nëse e keni ngrirë, më së miri është të shkrihet në frigorifer. Ajka është diç më problematike, kështu që nuk është mirë të përdoret gjatë pas kalimit të afatit të qëndrueshmërisë, pra nuk është me vend të përdoret gjatë pas afatit të kaluar të përdorimit. Por, nuk është mirë të vihet edhe në frigorifer me ngrirje të thellë.

Vaji i ullirit

Vaji i ullirit mund të jetë i freskët edhe 16 deri në 18 muaj, qoftë nëse e ruani në çarranik apo në frigorifer. Gjithsesi duhet mbajtur në frigorifer dhe në vend të errët. Nëse ka shijen apo aromën e ngjashme me verën apo me uthullën, është e qartë se është shfaqur fermentimi dhe krijimi i thartirës, etil-acetatit apo metanolit. Vajin mund të oksidohet, përkatësisht të valuar dhe mund të ketë shije myku.

Çokollata

Biskotat, çokollata dhe bonbonet të cilave u ka kaluar afati i përdorimit për pak ditë nuk janë të rrezikshëm për shëndetin. E ruajnë cilësinë edhe 12 muaj pas datës së prodhimit. Megjithatë, shija nuk është edhe aq e mirë.

Brumërat

Brumërat, afati i të cilëve u ka kaluar një ose dy muaj, nuk janë të dëmshëm për organizmin e njeriut, përveç nëse kanë qenë në mënyrë të papërshtatshme të magazinuara apo kanë marrë myk, mirëpo kjo ndodh rrallë.

Konservat

Më së miri është që të mos blihen fare konservat. Pa marrë parasysh afatin e përdorimit, konservimi i ushqimeve, zakonisht, është i dëmshëm. /Telegrafi/