Juve dhe Bayerni vazhdojnë rivalitetin e madh për Chiesan

Federico Chiesa është objektivi numër një i Juventusit për të përforcuar sulmin në sezonin e ri.

Edhe pse dështuan, objektivi kryesor për Zonjën e Re në sezonin e ardhshëm do të jetë Liga e Kampionëve.

Fabio Paratici po punon për të siguruar shërbimet e yllit të Fiorentinës, i cili u shfaq si një protagonist i vërtetë në stadiumin “Allianz”, ndeshjen e fundit. Juve po synon të përsërisë “operacionin Bernardeschi” të vitit 2017, me bindjen se kësaj here do të duhen më shumë miliona për ta rrëmbyer 25-vjeçarin nga klubi vjollcë.

Lexo po ashtu Juventusi e dëshiron me çdo kusht Chiesan, i ofron tre futbollistë Fiorentinës për yllin italian

Megjithatë, siç raportohet nga TuttoSport, kampionët aktual do të duhet të fitojë një rivalitet të rëndësishëm për këtë lojtar, atë të Bayern Munich.

Bavarezët e kanë bërë tashmë një ofertë të parë zyrtare, duke u përpjekur të fitojë kohë. Chiesa do të preferonte të qëndronte në Itali, ku Juventusi mbetet favoriti më i madh për blerjen e tij, duke shmangur kështu një lëvizje jashtë vendit, që për momentin nuk do t’iu përshtatej planeve të sulmuesit.

Lista e blerjeve të klubit nga Torino, e miratuar nga Cristiano Ronaldo, nuk kufizohet vetëm te Chiesa. Emrat e tjerë në listën janë Raphael Varane, Kostas Manolas, Ruben Dias, Marcelo, Matteo Darmian, Alex Grimaldo, Isco, Nicolo Zaniolo, Joao Felix. /kp/

https://www.youtube.com/watch?v=q5wn5xhnG44