ZNY Consulting dhe TLNT, dy kompanitë me pronare shqiptare që po ndihmojnë në punësim të shqiptarëve në SHBA!

ZNY Consulting dhe TLNT janë dy agjenci të njohura të specializuara për rekrutimin e punonjësve të rinj, varësisht nga kërkesat që ka prej klientëve që kërkojnë puntorë.

E veçanta e këtyre dy agjencive të specializuara për rekrutim është se janë në pronësi të një shqiptare, Esterina Gocaj Bekiri.

Kompanitë e themeluara në vitin 2017 janë formuar me qëllimin për të ndryshuar formën e rekrutimit, ndërkaq ofron edhe shumën më të ulët në treg të kompensimit për rekrutim.

Këto dy kompani kanë ndihmuar shumë në punësimin e shqiptarëve anë në SHBA me synimin për t’u zgjeruar në Londër e në pjesën më të madhe të Evropës.

“Ekziston hapësirë e madhe në tregun e SHBA-ve për shqiptarët që nuk e dinë nëse kanë edukimin ose kredencialet e duhura për t’u punësuar në vende të caktuara dhe këtë e kemi ndryshuar me lidhjet e shumta me kompani të ndryshme që hapin vende pune”, thekson Esterina Gocaj, e cila ju bashkua botës korporative në moshën 15 vjeçare.

Esterina përfundoi studimet në St. Johns University për drejtësi dhe menaxhim biznesi, teksa ajo po ashtu drejton suksesshëm agjencitë e rekrutimit ZNY Consultin Group dhe TLNT të cilat veprojnë në industri si ndërtimtaria, inxhinieringu, IT, patundshmëritë, nafta dhe gazi e të tjera.

Esterina Gocaj lindi në Shqipëri dhe u largua vetëm pak muaj pasi lindi me familjen e saj drejt Gerqisë, për t’u shpërngulur më pas në SHBA në moshën tetë vjeçare, ndërsa tani jeton mes Nju Jork Sitit dhe Melburnit në Australi për në vazhdën e menaxhimit të sipërmarrjeve të saj.

Synimi i ZNY Consulting dhe Esterinës është hapja e vendeve të reja të punës në Kosovë e Shqipëri, sidomos për studentë duke lidhur partneritet me universitetet nga dy vendet shqiptare.

/Telegrafi/