Në Gostivar do të ndërtohet stacion për trajtimin e qenve endacak

Nën organizimin e organizatës joqeveritare “Civil” në sallën e këshillit të komunës së Gostivarit u mbajt një takim publik me autoritetet lokale, shoqërinë civile dhe qytetarët në kuadër të fushatës “Veprim-Integrim”, me qëllim të promovimit të vlerave evropiane dhe iniciativave të gjelbërta, përcjell Telegrafi Maqedoni.

Përpjekjet e Komunës së Gostivarit në këtë fushë të pranishmëve ua prezantoi Kryetari i Komunës së Gostivarit, Arben Taravari.

“Si komunë ne kemi zbatuar një sërë aktivitetesh brenda kompetencave tona dhe mundësive të ofruara nga buxheti i komunës. Ne kemi pasur veprime dhe projekte për zbukurimin e qytetit, pastrimin e deponive të paligjshme dhe shpërndarjen e tyre. Ne planifikojmë për të futur transportin publik me minibus që punojnë me energji elektrike. Ne jemi të përkushtuar që më në fund të zgjidhim problemin me deponinë rajonale Rusino”, tha Taravari.

Xhabir Deralla nga organizata joqeveritare “Civil” falënderoi kryetarin e Komunës së Gostivarit për bashkëpunimin e vazhdueshëm me organizatën që ai përfaqëson, si dhe qasjen e tij korrekte në sektorin civil në tërësi.

Në pyetjen e mysafirëve që morën përsipër Komunën e Gostivarit për të zgjidhur problemin e qenve endacak, Taravari u përgjigj se është duke u ndërtuar një spitali për trajtimin e qenve endacak, duke e bërë Gostivar qytetin e parë në Maqedoni për të zgjidhur këtë problem afatgjatë në mënyrë adekuate. /Telegrafi/